لاہور : وزیراعلیٰ پنجاب سردار عثمان بزدار نے کہا ہے کہ حکومت گنے کے کاشت کاروں کو ان کی محنت کا پورا معاوضہ ملے گا، کسی کو کسان کا حق نہیں مارنے نہیں دیں گے۔
ان خیالات کا اظہار انہوں نے اجلاس سے خطاب کرتے کرتے ہوئے کیا، تفصیلات کے مطابق وزیراعلیٰ پنجاب سردار عثمان بزدارکی زیر صدارت اعلیٰ سطح کااجلاس منعقد ہوا۔
اجلاس میں گنے کی کرشنگ سیزن کے آغاز اور کاشت کاروں کو ادائیگیوں کے اقدامات کا جائزہ اور گنے کی امدادی قیمت پر نظرثانی کیلئے مختلف تجاویز پر غور کیا گیا، اجلاس میں فیصلہ کیا گیا کہ گنے کی امدادی قیمت بڑھانے کی حتمی منظوری پنجاب کابینہ دے گی۔
اس موقع پر خطاب کرتے ہوئے وزیراعلیٰ پنجاب سردار عثمان بزدار نے کہا کہ پنجاب حکومت گنے کے کاشت کاروں کے مفادات کا تحفظ یقینی بنائے گی، کاشت کاروں کو ان کی محنت کا پورا معاوضہ ملے گا، ہم کاشتکاروں کے مفادات پرآنچ نہیں آنے دیں گے۔
عثمان بزدار کا کہنا تھا کہ کاشت کاروں کے حقوق کا پہلے بھی تحفظ کیا ہے،آئندہ بھی کریں گے، کسی کو کسان کا حق نہیں مارنے نہیں دیا جائے گا، گنے کے وزن میں کٹوتی کی ہرگز اجازت نہیں دی جائے گی، وزن میں کٹوتی کی شکایت پر بلاتفریق ایکشن لیا جائے گا۔
