The news is by your side.

Advertisement

نیول چیف کا دورہ بحرین، اہم ملاقاتیں

اسلام آباد: پاک بحریہ کےسربراہ ایڈمرل محمد امجدخان نیازی نے بحرین کا سرکاری دورہ کیا ہے، جہاں انہوں نے بحرین کے اعلیٰ حکام سے ملاقاتیں کیں ہیں۔

ترجمان پاک بحریہ کے مطابق پاک بحریہ کے سربراہ ایڈمرل محمد امجدخان نیازی نے بحرین کا سرکاری دورہ کیا، رائل بحرین نیول فورس کے ہیڈ کوارٹرز آمد پر سربراہ پاک بحریہ کا پرتپاک استقبال کیا گیا اور نیول چیف کو روایتی انداز میں گارڈ آف آنرپیش کیا گیا۔

ترجمان پاک بحریہ کے مطابق نیول چیف کی بحرین ڈیفنس فورسز کےکمانڈر ان چیف سے ملاقات ہوئی، اس کے علاوہ نیول چیف نے کمانڈر بحرین نیشنل گارڈز،کمانڈر رائل بحرین نیول فورسز سے بھی ملاقات کی، ملاقات میں باہمی دلچسپی کے پیشہ ورانہ امور، دو طرفہ دفاعی تعاون پرتبادلہ خیال کیا گیا۔

ترجمان پاک بحریہ کے مطابق نیول چیف نےعلاقائی سمندری تحفظ کیلئےپاک بحریہ کےکردار پر روشنی ڈالی، میزبان حکام نے بحری امن واستحکام کیلٸےپاک بحریہ کی کاوشوں کوسراہا، ملاقات میں نیول چیف کو رائل بحرین نیول فورسز کی استعداد کار پر بریفنگ دی گئی۔

ترجمان پاک بحریہ کی جانب سے جاری بیان کے مطابق نیول چیف نے ڈپٹی کمانڈر یو ایس نیول فورسز سینٹرل کمانڈ سے بھی ملاقات کی، ملاقات میں بحری،سیکیورٹی کے امورپر تبادلہ خیال کیاگیا، ترجمان کا کہنا تھا کہ دورہ دونوں ملکوں بالخصوص بحری افواج کے مابین تعلقات کو مزید فروغ دےگا۔

Comments

یہ بھی پڑھیں