سر کے پچھلے حصے میں درد کی کچھ عرصے سے شکایت کرنے والے ایک مریض کا جب ایکسرے کیا گیا تو ڈاکٹر یہ دیکھ کر حیران رہ گئے کہ سر کے اندر لال بیگ موجود ہے جس نے بچے بھی دے دیے ہیں۔
سوشل میڈیا پر ایک دل دہلا دینے والی ویڈیو وائرل ہو رہی ہے، جس میں ایک شخص کے سر کے اندر لال بیگ جیسی چیز نظر آ رہی ہے، اس شخص کے سر کے پچھلے حصے میں کافی عرصے سے درد رہتا تھا، جب اس کا ایکسرے کیا گیا تو دیکھا گیا کہ اندر کیڑے جیسی کوئی چیز موجود ہے۔
ڈاکٹروں نے یہ پریشان کن انکشاف بھی کیا کہ لال بیگ نما کیڑے نے کھوپڑی کے اندر بچے بھی دے دیے ہیں، ایکسرے رپورٹ میں آدمی کے کان کے قریب لال بیگ جیسا ایک کیڑا نظر آیا، اور پھر ان کے بچوں کو بھی نشان زد کیا گیا۔
ڈاکٹرز کا کہنا تھا کہ لال بیگ نے کان کی نالی کے قریب بچے دیے جو کھوپڑی کے اوپری حصے تک پھیل گئے، یہ دیکھ کر مریض کو فوری طور پر سرجن کے پاس ایمرجنسی ڈیپارٹمنٹ ریفر کر دیا گیا۔
ویڈیو دیکھ کر لوگ حیران رہ گئے، کسی کو لگا یہ کسی ہارر فلم سے کم نہیں ہے، کسی نے لکھا کہ کیڑے تو انسانی جلد کے اندر بھی ہوتے ہیں، یہ کوئی بڑی بات نہیں۔
