کوک اسٹوڈیو: علامہ اقبال کی ’شکوہ جواب شکوہ‘ 107 بعد جدید موسیقی کے ساتھ پیش
The news is by your side.

Advertisement

کوک اسٹوڈیو: علامہ اقبال کی ’شکوہ جواب شکوہ‘ جدید موسیقی کے ساتھ

کراچی: کوک اسٹوڈیو سیزن 11 نے شاعر مشرق ڈاکٹر علامہ محمد اقبال کی شہرہ آفاق نظم ’شکوہ جواب شکوہ‘ کو موسیقی کی دھنوں پر ترتیب دے کر شاندر گیت تیار کرلیا۔

تفصیلات کے مطابق کوک اسٹوڈیو سیزن 11 کے میوزک پروڈیسرز نے شاعر مشرق ڈاکٹر علامہ اقبال کی شہر آفاق نظم ‘شکوہ جواب شکوہ‘ کے اشعار کو موسیقی کے موتیوں کی لڑی میں پرو دیا۔ کوک اسٹوڈیو کی جانب سے نئے گیت کی ویڈیو جاری کی گئی ہیں۔

شکوہ جواب شکوہ کی دھن منشی رضی الدین نے ترتیب دی جبکہ اس کے پروڈیوسر زوہیب قاضی اور علی حمزہ تھے جبکہ نتاشہ بیگ نے اسے گایا اور قوال فرید ایاز، ابو محمد اینڈ برادرز نے بھی شاندار ساتھ نبھایا۔

یہ بھی دیکھیں: کوک اسٹوڈیو سیزن 11 نے مشہورنغمہ ’ہم دیکھیں گے‘ ریلیزکردیا

بیکنگ گلوکاری شہاب حسین، وجیہہ نقوی، مہر قادر نے کی جبکہ بابر کھنّہ نے ڈھولک، کمی پاؤل (ڈرم)، کامران ‘منّو‘ (بیس گٹار) اور روفوس شہزاد نے (کی بورڈ) سمیت دیگر لوگوں نے مختلف آلاتِ موسیقی پر اپنی ذمہ داریاں انجام دیں۔

نظم کا پس منظر

شہر آفاق نظم کو علامہ اقبال نے لندن سے واپسی کے بعد اپریل 1911 میں ہونے والے انجمنِ حمایت اسلام کے جلسے میں پڑھا، جس کے بعد برصغیر کے مسلمانوں نے اپنی زبوں حالی پر غور شروع کیا اور حوصلہ شکنی کے زوال کے اسباب بھی تلاش کیے۔

علم و ادب سے وابستہ شخصیات کے مطابق علامہ اقبال نے پہلے نظم شکوہ تحریر کی جو اُن کے دل کی آواز تھی، اس نظم کے اصل مقصد کو لوگوں نے سمجھے بغیر پروپیگنڈا شروع کیا جس کے بعد شاعر مشرق نے ’جواب شکوہ‘ تحریر کی۔

پاریک: کوک اسٹوڈیو کے پلیٹ فورم سے کیلاشی فوک میوزک کا انوکھا تجربہ

اس نظم کے ذریعے اقبال نے مسلمانوں کی مذہب سے غلفت، بیزاری پر خوبصورتی سے روشنی ڈالی جس کے اثرات بھی نمودار ہوئے، شاعر مشرق کے قلم سے لکھی ہوئی تحریر نواب ذوالفقار علی خان نے 100 روپے میں خریدی اور پھر اسے ہدیہ کیا۔

اقبال نے نظم کے ابتدا میں رب کی بارگاہ میں شکوے کیے پھر ان کا جواب بھی خود ہی تلاش کر کے تحریر کیا، بعد ازاں اس کا اختتام دعائیہ کلمات پر ہوا۔

Comments

comments

یہ بھی پڑھیں