ممبئی: بھارت کی انسداد منشیات فورس نے مزاحیہ اداکارہ بھارتی سنگھ کو شوہر سمیت گرفتار کرلیا۔
بھارتی میڈیا رپورٹ کے مطابق منشیات کیس کی تفتیش کے حوالے سے بھارت کی نارکوٹکس کنٹرول بیورو (این سی بی) نےصبح ممبئی میں واقع بھارتی اداکارہ کے گھر پر چھاپہ مارا تھا۔
این سی بی افسران نے بھارتی سنگھ اور اُن کے شوہر لنباچیا سے منشیات کے حوالے سے صرف پوچھ گچھ کی جبکہ گھر کی تلاشی بھی لی تھی۔
بھارتی میڈیا کو نارکوٹکس کنٹرول بیورو کے ذرائع نے تصدیق کی تھی کہ بھارتی سنگھ اور اُن کے شوہر پر منشیات خریدنے اور استعمال کا الزام ہے۔
انڈیا ٹوڈے کی رپورٹ میں بتایا گیا کہ چھاپے کے دوران اداکارہ بھارتی سنگھ کے گھر سے کم مقدار میں منشیات بھی ملی، جسے اہلکاروں نے قبضے میں لے کر دونوں سے تفتیش کی۔
Maharashtra: Narcotics Control Bureau (NCB) conducts raid at the residence of comedian Bharti Singh in Mumbai.
"She and her husband both have been detained for questioning by NCB about possession of narcotics substances,” says Sameer Wankhede, Zonal Director, NCB Office, Mumbai pic.twitter.com/omht7fNXOj
— ANI (@ANI) November 21, 2020
این سی بی ذرائع کے مطابق تفتیش کے دوران اعتراف کیا گیا جس کے بعد اب بھارتی سنگھ اور اُن کے شوہر کو باقاعدہ طور پر گرفتار کرلیا گیا ہے، اب اُن سے مزید تفتیش کے لیے عدالت میں پیش کر کے جوڈیشل ریمانڈ مانگا جائےگا۔
مزید پڑھیں: منشیات کی خرید و فروخت میں ملوث بالی ووڈ ڈائریکٹر کی اہلیہ گرفتار
محکمہ انسداد منشیات کے عملے نے یئہ کارروائی ایسے وقت میں کی ہے جب فلم اور انٹرٹینمنٹ کی صنعت میں منشیات کے مبینہ استعمال کے حوالے سے تفتیش کا دائرہ وسیع ہو رہا ہے۔ یہ تفتیش معروف بالی ووڈ اداکار سوشانت سنگھ راجپوت کی موت کے بعد شروع ہوئی تھی۔
اس کے علاوہ این سی بی نے حال ہی میں بھارتی فلمون نے اداکار ارجن رامپال کی رہائش گاہ پر بھی چھاپہ مارا اور منشیات کے سلسلہ میں ان سے طویل پوچھ گچھ کی گئی تھی۔
یاد رہے کہ فلمی اداکار سوشانت سنگھ راجپوت 14 جون کو باندرا میں واقع اپنے فلیٹ میں مردہ پائے گئے تھے، ان کے مداحوں میں ان کی موت کی وجہ سے کافی غم و غصہ پایا گیا جس کے بعد اس معاملہ کی جانچ سی بی آئی کے ہاتھ میں سونپ دی گئی۔
