منی مارکیٹ سسٹم میں سرمائے کی کمی پر اسٹیٹ بینک آف پاکستان کا مثبت اقدام سامنے آگیا۔
اسٹیٹ بینک نے اوپن مارکیٹ آپریشن کے ذریعے منی مارکیٹ کو رقم فراہم کر دی۔ مرکزی بینک کے مطابق کمرشل بینکوں کو مجموعی طور پر 11 ہزار 647 ارب 55 کروڑ فراہم کیے۔ کمرشل بینکوں کو 7 روز کیلئے 2ہزار 643 ارب 60 کروڑ فراہم کیےگئے۔
اسٹیٹ بینک کا کہنا ہے کہ بینک 7 روز پر 17.56 فیصد سالانہ کے حساب سے منافع دیں گے۔
- Advertisement -
بینکوں کو 28 روز کیلئے 9003 ارب 95 کروڑ روپے فراہم کیے گئے۔ بینک 28 روز پر 17.56 فیصد سالانہ کے حساب سےمنافع دیں گے۔
