ریاض: کروناوائرس سے لڑنے کے لیے سعودی عرب اور عالمی ادارہ صحت (ڈبلیو ایچ او) کے درمیان معاہدہ طے پاگیا۔
غیرملکی خبررساں ادارے کی رپورٹ کے مطابق خادم حرمین شریفین شاہ سلمان بن عبدالعزیز نے 9 مارچ کو اعلان کیا تھا کہ کروناوائرس کے خلاف معاونت کے لیے سعودی عرب ڈبلیو ایچ او کو ایک کروڑ امریکی ڈالر عطیہ کرے گا۔
Thank you @KingSalman for your continuous support to the global #COVID19 response. @WHO strongly welcomes your leadership & solidarity among the @g20org. We are grateful for @KSRelief_EN‘s additional contribution of $10M to boost fragile health systems & stop the #coronavirus.
— Tedros Adhanom Ghebreyesus (@DrTedros) March 30, 2020
اسی ضمن میں سعودی عرب اور عالمی ادارہ صحت کے درمیان معاہدہ طے پاگیا۔ ڈبلیو ایچ او کے سربراہ ٹیڈروس نے سماجی رابطے کی ویب سائٹ ٹوئٹر پر ٹوئٹ کرتے ہوئے شاہ سلمان کا خصوصی شکریہ ادا کیا۔
ان کا کہنا تھا وبائی مرض کے خلاف سعودی عرب کی مسلسل کاوشوں کو سراہتے ہیں۔ انہوں نے ترقی یافتہ جی 20 ممالک میں سعودی عرب کی یکجہتی اور قیادت کی تعریف کی۔
کورونا وائرس، شاہ سلمان کا عالمی ادارہ صحت کے لیے ایک کروڑ ڈالر امداد کا اعلان
The agreement follows the directives of HRH King Salman Bin Abdulaziz Al Saud to provide a contribution of USD 10 million to the World Health Organization in order to combat #coronavirus #COVID19 pic.twitter.com/sT30wDlmb1
— KSrelief (@KSRelief_EN) March 30, 2020
عالمی ادارہ صحت کی جانب سے دنیا بھر میں کورونا وائرس سے بچاؤ کے لیے مالی معاونت کی اپیل کی گئی تھی جس کے بعد شاہ سلمان بن عبدالعزیز نے فوری طور پر ایک کروڑ ڈالر امداد فراہم کرنے کے احکامات جاری کیے تھے۔
بعد ازاں ڈبلیو ایچ او کے ڈائریکٹر جنرل ٹیڈروس نے سماجی رابطے کی ویب سائٹ ٹویٹر پر کورونا وائرس سے بچاؤ کے لیے امداد فراہم کرنے پر سعودی قیادت کا شکریہ بھی ادا کیا تھا۔