لاہور: پنجاب میں کرونا وائرس سے اموات کی تعداد میں خطرناک حد تک اضافہ ہوگیا، ایک روز میں مزید 80 مریض جان کی بازی ہار گئے۔
تفصیلات کے مطابق صوبہ پنجاب کے ترجمان پرائمری اینڈ سکینڈری ہیلتھ کیئر کا کہنا ہے کہ صوبے میں کرونا وائرس سے اموات کی تعداد میں خطرناک حد تک اضافہ ہوچکا ہے۔
ترجمان کا کہنا ہے کہ پنجاب میں ایک روز میں کرونا وائرس سے مزید 80 افراد انتقال کر گئے جس کے بعد صوبے میں وبا سے اموات کی تعداد 7 ہزار 141 ہوگئی۔
ترجمان کے مطابق گزشتہ 24 گھنٹے میں پنجاب میں کرونا وائرس کے 2 ہزار 775 نئے کیسز رپورٹ ہوئے۔
نئے رپورٹ شدہ کیسز میں لاہور سے 14 سو 35، راولپنڈی سے 439، فیصل آباد سے 174، سرگودھا سے 143 اور ملتان سے 91 کیسز سامنے آئے۔
اسی طرح رحیم یار خان میں 48، سیالکوٹ میں 32، اٹک اور گوجرانوالہ میں 31، 31، شیخوپورہ میں 29، ساہیوال اور بہاولپور میں 26، 26، قصور میں 25، ڈیرہ غازی خان میں 24، وہاڑی میں 23، جھنگ میں 22، اور گجرات اور چکوال میں 20، 20 کیسز رپورٹ ہوئے۔
محکمہ صحت پنجاب کے مطابق جہلم اور لیہ میں 18، 18، ٹوبہ ٹیک سنگھ میں 17، حافظ آباد میں 13، خانیوال میں 11، منڈی بہاؤ الدین میں 10، میانوالی، پاکپتن اور بہاولنگر میں 8، 8، چنیوٹ میں 5، راجن پور، اوکاڑہ اور ننکانہ صاحب میں 4، 4، نارووال میں 3، خوشاب میں 2، اور بھکر اور مظفر گڑھ میں 1، 1 کیس رپورٹ ہوا۔
ترجمان کا کہنا ہے کہ پنجاب میں کرونا وائرس کے مصدقہ مریضوں کی تعداد 2 لاکھ 55 ہزار 571 ہوچکی ہے، اب تک صوبے میں 41 لاکھ 21 ہزار 865 ٹیسٹ کیے جاچکے ہیں۔
