site
stats
عالمی خبریں

عدالتیں ہماراکام مشکل کررہی ہیں‘ڈونلڈ ٹرمپ

واشنگٹن : امریکی صدر ڈونلڈ ٹرمپ نے سات ممالک پر سفری پابندی کے حکم نامے کےخلاف عدالتی فیصلے پرتنقید کرتے ہوئے کہاہےکہ عدالتیں ہمارا کام مشکل کررہی ہیں۔

تفصیلات کےمطابق امریکہ کےصدر ڈونلڈ ٹرمپ نےسات مسلم ممالک کےشہریوں پرسفری پابندی کی معطلی کےعدالتی حکم کے بعد عدلیہ کو شدید تنقید کا نشانہ بنایاہےاورسرحدی حکام کو کہاہےکہ وہ امریکہ آنے والے لوگوں کی محتاط جانچ پڑتال کریں۔

امریکی صدر نے سماجی رابطے کی ویب سائٹ ٹویٹر پراپنے پیغام میں کہا کہ ’یقین نہیں آتا کہ ایک جج نے ملک کو خطرے میں ڈالا ہے۔ اگر کچھ ہوا تو انہیں اور عدالت کو ذمہ دار ٹھہرائیں۔لوگ ملک میں آ رہے ہیں۔یہ برا ہے۔‘

ڈونلڈ ٹرمپ نے ٹویٹر پر ایک اور ٹویٹ میں کہاکہ میں نے سرحدی حکام کو کہاہےکہ وہ امریکہ آنے والے لوگوں کی سخت جانچ پڑتال کریں،انہوں نے کہا کہ’عدالتیں ہمارا کام مشکل کر رہی ہیں‘۔

مزید پڑھیں:حکومتی اپیل مسترد، سفری پابندیوں کی معطلی برقرار

یاد رہےکہ گزشتہ روزامریکی اپیل کورٹ نے ٹرمپ انتظامیہ کی جانب سے سات اسلامی ملکوں کے شہریوں پر عائد سفری پابندیاں بحال کرنے کی اپیل مسترد کر دی۔

محکمہ انصاف نےاپنی اپیل میں کہا تھا کہ کسی بیرونی شخص یا گروہ کو ملک میں داخل ہونے سے روکنے کا صدر کے پاس ایسا اختیار ہے جسے نظر ثانی کی ضرورت نہیں اور یہ کہ جمعے کو جج جیمز رابرٹ نے سیٹل میں جو فیصلہ سنایا تھا وہ بہت عمومی تھا۔

واضح رہےکہ سفری پابندیوں کو چیلینج کرنے والی دو ریاستوں واشنگٹن اور مینیسوٹا کا کہنا ہے کہ یہ پابندی غیر آئینی ہے اور اس میں کاغذات رکھنے والے افراد کو بھی سفر سے روکاگیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top