جنیوا : اسرائیل کی جانب سے فلسطینیوں کی ظالمانہ نسل کشی کیخلاف اقوام متحدہ کے عہدیدار اپنی ناکامی کا اعتراف کرتے ہوئے مستعفی ہوگئے۔
اقوام متحدہ کے شعبہ انسانی حقوق کے ہائی کمشنر کریگ موخیبر نے اپنے عہدے سے غزہ میں جاری اسرائیلی کارروائیوں کیخلاف احتجاجاً استعفیٰ دے دیا۔
جنیوا میں اقوام متحدہ کے ہائی کمشنر برائے انسانی حقوق فولکر ٹُرک کے نام خط میں اُنہوں نے لکھا کہ غزہ میں جو کچھ ہو رہا ہے وہ ہر لحاظ سے نسل کشی کے مترادف ہے۔
The #genocide we are witnessing in #Palestine is the product of decades of Israeli #impunity provided by the US & other western governments & decades of #dehumanization of the Palestinian people by western corporate media. Both must end now. Speak up for #HumanRights
— Craig Mokhiber (@CraigMokhiber) October 30, 2023
اقوام متحدہ کے سابق عہدیدار کریگ موخیبر نے لکھا کہ فلسطین میں یورپی نسل پرستانہ آبادکاری منصوبہ اپنے آخری مرحلے میں داخل ہو گیا ہے اور وہ مرحلہ ہے فلسطینی علاقوں سے آبائی فلسطینیوں کی باقیات کو جلد از جلد ختم کرنا۔
کریگ موخیبر نے کہا کہ امریکا، برطانیہ اور بیشتر یورپی ممالک بے گناہ فلسطینیوں کی نسل کشی میں مکمل طور پر ملوث ہیں، جبکہ اسرائیل سمیت امریکا اور دیگر یورپی ممالک جنیوا کنونشن کی سنگین پامالی کررہے ہیں۔
اقوام متحدہ کے ہائی کمشنر کے نام اپنے خط میں ان کا مزید کہنا ہے کہ امریکا سمیت دیگر یورپی ممالک غزہ میں ہونے والے اسرائیلی مظالم کو سیاسی اور سفارتی تعاون فراہم کر رہے ہیں۔
