The news is by your side.

Advertisement

کروشیا : لاپتہ لڑکی کی لاش انیس سال بعد اسی کے گھر سے برآمد، بہن گرفتار

زغرب : کروشیا پولیس نے انیس سال بعد لاپتہ لڑکی کی نعش برآمد کرکے اس کی بہن کو گرفتار کرلیا، لاش اس کے گھر میں موجود ڈیپ فریزر سے ملی۔

تفصیلات کے مطابق کروشیا کے دارالحکومت زغرب میں پولیس نے انیس سال قبل لاپتہ ہونے والی طالبہ جيسمينا ڈومينچ کا معمہ حل کرلیا، پولیس نے مقتولہ کے گھر کے تہ خانے سے اس کی لاش برآمد کرلی، قتل کے شک میں پولیس نے مقتولہ کی45سالہ بہن کو حراست میں لیا ہے، پوليس نے اس واقعے کی تصديق کر دی ہے۔

غیر ملکی خبر رساں ایجنسی کے مطابق گھر کی بجلی کٹنے کے بعد اِس گھر سے ايک ناقابل برداشت قسم کی بدبو پھیلنے لگی تھی جس کی اطلاع ملنے پر پولیس نے کارروائی کی۔

واضح رہے کہ جس مکان سے لاش برآمد ہوئی ہے وہ جيسمينا ڈومينچ کے خاندان کا ہے۔ يہ وہی طالبہ ہے جو سال2000ميں لاپتہ ہو گئی تھی۔ قابل ذکر بات یہ ہے کہ جيسمينا کی گمشدگی کی اطلاع باقاعدہ طور پر پانچ برس بعد دی گئی تھی۔

وہ اپنے خاندانی مکان ميں اپنی بہن کے ہمراہ رہا کرتی تھی، جيسمينا کی بہن اپنے خاوند اور دو بچوں کے ساتھ اسی مکان ميں رہتی رہی۔ ان کے والد کا پہلے ہی انتقال ہو چکا تھا جبکہ والدہ جرمنی ميں رہائش پذير تھيں۔

Comments

comments

یہ بھی پڑھیں