پشاور: محکمہ انسداد دہشتگردی (سی ٹی ڈی) نے دہشتگردی اور بھتہ خوری میں ملوث افغان باشندوں سے متعلق رپورٹ جاری کردی۔
سی ٹی ڈی رپورٹ کے مطابق 2 سال میں دہشتگردی کے واقعات میں ملوث 92 گرفتار دہشتگرد افغان تھے جبکہ 2023 میں دہشتگردی کے 50 واقعات میں افغان باشندے ملوث رہے۔
سی ٹی ڈی رپورٹ میں بتایا گیا کہ 2022 میں ہونے والے دہشتگردی کے 19 واقعات میں بھی افغان باشندے ملوث تھے، اس کے علاوہ کے پی میں بھتہ خوری کے 14 واقعات میں افغانی ملوث رہے۔
- Advertisement -
رپورٹ کے مطابق 2022 میں بھتہ خوری کے 6 کیسز میں افغان باشندے ملوث تھے، افغانستان سے تعلق رکھنے والے 10 دہشتگرد مختلف آپریشن میں ہلاک ہوچکے ہیں۔
سی ٹی ڈی نے اپنی رپورٹ میں بتایا کہ بھتہ خوری میں ملوث 20 افغانیوں کو بھی گرفتار کیا گیا ہے۔
