کراچی :بحیرہ عرب میں بننے والا سمندری طوفان’’ماہا‘‘ کراچی سے 940 کلومیٹر دوری پرآگیا ، آنےوالےدنوں میں طوفان شدت اختیارکرےگا اور رخ بھارت کی جانب ہوجائے گا تاہم طوفان سے پاکستان کےساحلی علاقوں کوخطرہ نہیں۔
تفصیلات کے مطابق کیارکے بعد بحیرہ عرب میں نیا طوفان اٹھنے لگا، محکمہ موسمیات کا کہنا ہے کہ سمندری طوفان’’کیار‘‘سمندر برد ہوچکاہے، نئے بننے والے سمندری طوفان’’ماہا‘‘کا رخ عمان کی جانب ہے۔
چیف میٹرولوجسٹ کا کہنا ہے کہ سمندری طوفان’’ماہا‘‘کراچی سے نو سو چالیس کلو میٹر دورہے، جس سے پاکستان کے ساحلی علاقوں کو کوئی خطرہ نہیں، طوفان کےگرد90سے110کلومیٹرفی گھنٹہ کی رفتارسےہواچل رہی ہے اور 12 گھنٹے کے دوران ماہا شمال مغرب کی جانب حرکت کررہاہے۔
مزید پڑھیں : کیار کے بعد نئے طوفان ٹراپیکل سائیکلون ماہا کا رخ عمان کی جانب ہوگیا
محکمہ موسمیات کے مطابق آنے والے دنوں میں طوفان شدت اختیارکرے گا اور آئندہ 3 دنوں میں طوفان کا رخ بھارت کی جانب ہوگا، رخ بھارتی گجرات کی جانب ہوگا۔
دوسری جانب ملک بھر میں سردی کا آغاز ہورہا ہے ، بلوچستان میں بارشوں کاسلسلہ جاری ہے جبکہ کراچی میں بھی رات سے ٹھنڈی ہوائیں چلناشروع ہوگئیں ہیں، آج کراچی میں زیادہ سےزیادہ درجہ حرارتینتیس ڈگری سینٹی گریڈرہنےکی توقع ہے۔
محکمہ موسمیات کے مطابق گزشتہ چوبیس گھنٹے میں کوئٹہ اورژوب میں چھ، قلات میں دس، لسبیلہ، مستونگ، پشین اور زیارت میں دو ملی لیٹر بارش ریکارڈ کی گئی، کوہلو اورچاغی میں بھی رات سےوقفے وقفے سے بارش کا سلسلہ جاری ہے جبکہ کوئٹہ، قلات، ژوب، خضدار، سبی ، نصیر آباد اور زیارت کے بعض مقامات پر بارش کاامکان ہے۔
