ممبئی: بالی وڈ کے معروف اداکار دلیپ تاہل کو نشے کی حالت میں گاڑی چلانے کے کیس میں قید کی سزا سنا دی گئی۔
بھارتی میڈیا کی رپورٹس کے مطابق ایڈیشنل چیف میٹروپولیٹن مجسٹریٹ نے 2018 میں نشے کی حالت میں گاڑی چلانے کے کیس میں اداکار کو سزا سنائی۔ دلیپ تاہل دو ماہ جیل میں گزاریں گے جبکہ انہیں 500 روپے جرمانہ بھی کیا گیا۔
عدالت نے گاڑی کی ٹکر سے زخمی ہونے والی خاتون کو 5 ہزار روپے بھی ادا کرنے کا حکم جاری کیا۔ دلیپ تاہل نے اعلان کیا ہے کہ وہ مجسٹریٹ کورٹ کے اس فیصلے کو ممبئی کی سیشن عدالت میں چیلنج کریں گے۔
اداکار نے میڈیا سے گفتگو میں کہا کہ میں جج اور ان کے فیصلے کا احترام کرتا ہوں لیکن اسے چیلنج کروں گا، یہ ایک معطل سزا تھی اور گاڑی کی ٹکر سے خاتون کو معمولی زخم آئے تھے۔
Additional Chief Metropolitan Magistrate, 09th Court, Bandra, Mumbai sentenced actor Dalip Tahil to two-month imprisonment and a fine of Rs 500 in connection with a 2018 drunk and drive case. The court also ordered the actor to pay a compensation of Rs 5,000 to the injured woman.… pic.twitter.com/m7zF0ARok6
— ANI (@ANI) October 22, 2023
دلیپ تاہل ’بازیگر‘، ’راجہ‘، ’ہم ہیں راہی پیار کے‘، ’قیامت سے قیامت تک‘، ’کہو نا پیار ہے‘ جیسی فلموں میں اداکاری کرنے پر جانے جاتے ہیں۔