الیکشن کمیشن نے حکمراں جماعت پاکستان مسلم لیگ (ن) اور اتحادی پاکستان پیپلز پارٹی کے فارن فنڈنگ کیس کی سماعت مقرر کرنے کا فیصلہ کیا ہے۔
اے آر وائی نیوز کو الیکشن کمیشن کے ذرائع کے بتایا ہے کہ ن لیگ اور پیپلز پارٹی کے فارن فنڈنگ کیسز کی سماعت آئندہ ہفتے مقرر کیے جانے کا امکان ہے۔
ذرائع کے مطابق اس حوالے سے چیف الیکشن کمشنر سلطان سکندر راجا نے دونوں جماعتوں کے فارن فنڈنگ کیسز سماعت کے لیے مقرر کرنے کی ہدایت دے دی ہے۔
واضح رہے کہ پاکستان تحریک انصاف متعدد بار ن لیگ اور پیپلز پارٹی کے فارن فنڈنگ کیسز کے حوالے سے جلد فیصلہ سنانے کے مطالبات کرچکی ہے۔
اگست میں پی ٹی آئی کے فارن فنڈنگ کیس کا فیصلہ آنے کے بعد پارٹی رہنماؤں نے مسلم لیگ ن اور پیپلز پارٹی کے فارن فنڈنگ کیسز کے فیصلے جلد سنانے کا مطالبہ دہرایا تھا۔
Comments
- Advertisement -