The news is by your side.

شادی کے ریسیپشن پر دپیکا کی سنہری ساڑھی نے سب کا دل جیت لیا

بالی ووڈ کی معروف جوڑی دپیکا اور رنویر اٹلی کے خوبصورت مقام لیک کومو پر ازدواجی بندھن میں بندھ کر واپس بھارت آچکے ہیں، انہوں نے اپنا پہلا ریسیپشن بنگلور میں منعقد کیا جہاں دپیکا کی سنہری ساڑھی نے سب کا دل جیت لیا۔

دپیکا اور رنویر کی شادی 14 نومبر کو ہوئی تھی جس کے بعد بھارت واپس آ کر جوڑے نے پہلا رییسپشن گزشتہ رات منعقد کیا۔ ریسیپشن بنگلور کے لیلا محل میں منعقد کیا گیا۔

اس موقع پر بھی دونوں نے مشہور بھارتی ڈیزائنر سبیاسچی کے ڈیزائن کردہ لباس زیب تن کیے۔ رنویر اور دپیکا نے اپنی شادی کی تمام تقریبات میں اسی ڈیزائنر کے لباس پہنے تھے۔

تقریب میں دونوں کے قریبی رشتے داروں نے شرکت کی۔

دونوں اسی ماہ 28 تاریخ کو ممبئی میں ایک اور ریسیپشن کی میزبانی کریں گے جس میں فلم انڈسٹری سے تعلق رکھنے والے افراد کو مدعو کیا جائے گا۔

Comments

یہ بھی پڑھیں