بھارت میں شوہر نے بیوی سے چھٹکارا حاصل کرنے کے لیے پیسے دے کر اپنی بیوی کو قتل کرادیا۔
بھارتی میڈیا کے مطابق دہلی کے راجوری گارڈن کے رہنے والے ایس کے گپتا نے تقریباً چھ ماہ قبل خاتون سے یہ سوچ کر شادی کی تھی، وہ اس کے 45 سالہ بیٹے امیت گپتا کی دیکھ بھال کرے گی۔
تاہم جب بیوی نے اس کے بیٹے کا خیال نہ رکھا تو شوہر نے اسے چلاق دینے کا فیصلہ کیا جس پر بیوی نے ایک کروڑ روپے کا مطالبہ کیا۔
رپورٹ میں بتایا گیا کہ ان دونوں کے درمیان تعلقات اتنے خراب ہو گئے کہ گپتا نے اپنے بیٹے کو اسپتال لے جانے والے شخص کے ساتھ مل کر اپنی بیوی کو قتل کرنے کا منصوبہ بنایا۔
بیوی اور بیٹی کو قتل کرکے خودکشی کرنے والے شخص نے مرنے سے پہلے کیا کیا؟
بھارتی پولیس کے مطابق شوہر نے قتل کی منصوبہ بندی میں ملوث کنٹریکٹر کو 10 لاکھ روپے دینے کا وعدہ کیا اور ایڈوانس کے طور پر 2 لاکھ 40 ہزار روپے دیے جس کے بعد ملزم نے اپنے ساتھی کے ہمراہ جا کر گھر میں خاتون کو چھریوں کے وار کر کے قتل کردیا۔
ملزمان نے خاتون کو چاقو مارا، گھر میں توڑ پھوڑ کی تاکہ اسے ڈکیتی کا رنگ دیا جا سکے اور موبائل فون لے کر موقع سے فرار ہو گئے، پولیس نے تفتیش کے بعد تمام لوگوں کو گرفتار کرلیا۔
