site
stats
پاکستان

کرپشن کیس: ڈپٹی چیئرمین نیب کی ضمانت میں توسیع

اسلام آباد : شریف خاندان کے خلاف ریفرنسز کی منظوری دینے والے ڈپٹی چئیرمین نیب کو کرپشن کیس میں ضمانت میں توسیع مل گئی،سرکاری پروٹوکول کے ساتھ عدالت میں پیش ہوئے۔

تفصیلات کے مطابق شریف خاندان کے خلاف ریفرنسز کی منظوری دینے والے ڈپٹی چئیرمین نیب کو بھی کرپشن کے مقدمے کا سامنا ہے، امتیاز تاجور پر نیب کے فنڈز میں ساٹھ لاکھ روپے کی خرد برد کا الزام ہے۔

 شریف خاندان کی کرپشن کی تحقیقات کرنے والے نیب کے ڈپٹی چیئرمین امتیاز تاجور اپنے خلاف کرپشن کیس میں عدالت کے روبرو پیش ہوئے۔

اسپیشل جج سنٹرل نے ملزم کی عبوری ضمانت میں بیس ستمبرتک توسیع کردی۔ ڈپٹی چیئرمین نیب سرکاری پروٹوکول کے ساتھ عدالت میں حاضر ہوئے تھے۔

پیشی پرامتیاز تاجور میڈیا کے نمائندوں کو دیکھ کرچھپ گئے، وہ کیمروں سے نظر بچا کرپچھلے دروازےسے نکلنے میں کامیاب گئے۔ اس دوران امتیاز تاجور کے ساتھ آنے والے نیب اہلکاروں نے میڈیا نمائندوں سےہاتھا پائی بھی کی۔

نیب اہلکاروں نے مقوقع کی ویڈیو بنانے والے میڈیا نمائندوں سے موبائل فون چھیننے کی کوشش بھی کی۔ واضح رہے کہ امتیاز تاجور کےخلاف ایف آئی اے نے کرپشن کا مقدمہ درج کررکھا ہے۔

واضح رہے کہ امتیاز تاجور پر نیب کےفنڈزمیں ساٹھ لاکھ روپےکی خورد برد کا الزام ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top