ڈسپیک ایبل می 3: گرو کے جڑواں بھائی کی آمد -
The news is by your side.

Advertisement

ڈسپیک ایبل می 3: گرو کے جڑواں بھائی کی آمد

بچوں اور بڑوں میں یکساں مقبول اینی میٹڈ سیزیر منینز کے چوتھے حصہ ڈسپیک ایبل می 3 کا ایک اور ٹریلر جاری کردیا گیا ہے۔ فلم میں گرو کا جڑواں بھائی دکھایا گیا ہے لیکن یہ گرو کے برعکس نہایت خوبصورت بالوں کا مالک ہے۔

منینز کا پہلا حصہ ڈسپیک ایبل می سنہ 2010 جبکہ دوسرا حصہ 2103 میں پیش کیا گیا تھا۔ فلم کا تیسرا حصہ منینز کے نام سے 2015 میں پیش کیا گیا جو دراصل ڈسپیک ایبل می کا پریکوئل تھا۔ اس میں یہ زرد کردار اپنے مالک کی تلاش میں سرگرداں نظر آئے۔

despicable-me-5

اب چوتھے حصے کے ٹریلر سے معلوم ہوتا ہے کہ اپنے زمانے کا مشہور چور گرو جرائم سے تائب ہو کر اپنی اہلیہ لوسی کے ساتھ جرائم کے خاتمے کے لیے کوشاں ہے۔

ان کا سامنا ایک انوکھے چور سے ہے جو عالمی شہرت یافتہ آنجہانی گلوکار مائیکل جیکسن کا بے حد مداح ہے اور اس کی طرح رقص کرتے ہوئے اپنا کام دکھا جاتا ہے۔ اس کا ہتھیار ببل گم ہے جس کے ذریعے یہ سب کو بے بس کردیتا ہے۔

despicable-me-4

despicable-me-3

فلم کا ایک اور پہلو گرو کا جڑواں بھائی ڈرو ہے جو طویل عرصے بعد گرو سے ملنے آتا ہے۔ اس کے خوبصورت بالوں کو دیکھ کر گرو کا اپنے بالوں سے محرومی کا احساس بڑھ جاتا ہے۔

دونوں بھائی مل کر ببل گم کے ذریعے چوری کرنے والے چور کو پکڑنے چل پڑتے ہیں۔

فلم ڈسپیک ایبل می 3 اگلے سال 30 جون کو ریلیز کردی جائے گی۔

Comments

comments

یہ بھی پڑھیں