The news is by your side.

قتل سے قبل سینئر صحافی ایاز امیر کے بیٹے اور بہو میں لڑائی ؟ تفتیشی ذرائع کے اہم انکشافات

اسلام آباد : سینئر صحافی ایاز امیر کے بیٹے اور بہو سارہ میں لڑائی متعلق تفصیلات سامنے آگئیں، تفتیشی ذرائع نے انکشاف کیا کہ دونوں کے درمیان لڑائی کی وجہ پیسے بنی۔

تفصیلات کے مطابق مقتولہ سارہ کے قتل کے معاملے کی تحقیقات جاری ہے، سینئر صحافی ایاز امیر کے بیٹے اور بہو سارہ میں لڑائی متعلق تفصیلات سامنے آگئیں۔

تفتیشی زرائع نے بتایا کہ ملزم شاہنواز اور مقتولہ سارہ کے درمیان لڑائی کی وجہ پیسے بنی۔

ذرائع نے کہا کہ سارہ کے چچا کرنل(ر) اکرام اور ضیا الرحیم نے بھتیجی کے قتل کا الزام ایاز امیر اور ان کی سابق اہلیہ پر عائد کیا ہے۔

، تفتیشی ذرائع کا کہنا ہے کہ چچا نے الزام عائد کیا ہے کہ ایاز امیر اور ان کی سابق اہلیہ نے میری بھتیجی سارہ کو قتل کرایا۔

پولیس نے ایاز امیر اور انکی سابق اہلیہ کے وارنٹ گرفتاری حاصل بھی کر لئے ہیں۔

زرائع کے مطابق ملزم شاہنواز نے اپنی اہلیہ کو اپنی دیگر 2 شادیوں کے بارے میں نہیں بتایا تھا اوراپنی بیوی سارہ سے حیلے بہانوں سے پیسے منگواتا تھا۔

تفتیش سے پتہ چلا کہ سارہ نے اپنے لئے ایک گاڑی بھی خریدی ، ملزم نے دھوکے سے گاڑی اپنے نام کرائی جس پر سارہ سے تکرار ہوئی، جس کے بعد سارہ نے اپنے دیے گئے پیسوں کا تقاضا کیا اور گاڑی فوری طور پر اپنے نام کرانے کا کہا۔

ذرائع کا کہنا تھا کہ ملزم شاہنواز نے پیسوں کے تقاضے پر طیش میں آکر اہلیہ سارہ کو قتل کیا، مقتولہ سارہ نے اپنی شادی سے متعلق کینیڈا میں مقیم والدین کو کچھ نہیں بتایا تھا، مقتولہ سارہ کینیڈا کی شہریت رکھتی ہیں۔

Comments

یہ بھی پڑھیں