The news is by your side.

Advertisement

اسٹریٹ کرائمز کے اعداد و شمار بڑھا چڑھا کر پیش کیے جاتے ہیں، ڈی جی رینجرز

کراچی: ڈی جی رینجرز میجر جنرل عمر بخاری نے کہا ہے کہ شہر میں ہونے والے اسٹریٹ کرائمز کے اعداد و شمار کو بڑھا چڑھا کر پیش کیا جاتا ہے۔

تفصیلات کے مطابق ڈی جی رینجرز چہلم جلوس کے سیکیورٹی انتظامات کا جائزہ لینے پہنچے۔ اس موقع پر میڈیا سے گفتگو کرتے ہوئے اُن کا کہنا تھا کہ اسٹریٹ کرائم کم ہیں مگر اعدادشمار میں انہیں بڑھاکر بتایاجارہاہے۔

اُن کا کہنا تھا کہ کالعدم  جماعتوں کو شہرمیں کام کرنے کی اجازت نہیں دی جائے گی، شہرمیں امن وامان کی صورتحال بہتر ہے، اسٹریٹ کرائم میں مزید کمی کریں گے۔

مزید پڑھیں: اسٹریٹ کرائمز میں 7 فی صد کمی ہوئی ہے: آئی جی سندھ کلیم امام

یاد رہے کہ گزشتہ دنوں شہر قائد میں اسٹریٹ کرائم کی وارداتیں رپورٹ ہوئی تھیں جس کے بعد ڈی جی رینجرز نے تمام ونگز کمانڈرز کو ہدایت کی تھی کہ شہریوں کو ریلیف فراہم کریں۔

انہوں نے ہدایت کی تھی کہ رینجرز اہلکار اسنیپ چیکنگ اور گشت بڑھانے جبکہ پولیس کے ساتھ مشترکا کارروائی کا ٹاسک بھی دیا تھا۔

ڈی جی رینجرز سندھ میجر جنرل عمر احمد بخاری نے رات گئے مختلف علاقوں کا دورہ کیا تھا اور اسٹریٹ کرائمز کی روک تھام کے لئے اقدامات کا جائزہ بھی لیا تھا۔

Comments

comments

یہ بھی پڑھیں