واشنگٹن : امریکہ کے نو منتخب صدر ڈونلڈ ٹرمپ کے خلاف دنیا بھر میں احتجاجی مظاہرے جاری ہیں، بیس سے زائد ریاستوں میں ہزاروں مظاہرین احتجاجی بینرز اور پلےکارڈ اٹھائے سڑکوں پر موجود ہیں، مظاہرین میں زیادہ ترتعداد خواتین کی ہے۔
تفصیلات کے مطابق نومنتخب امریکی صدر ڈونلڈ ٹرمپ کیخلاف واشنگٹن میں خواتین مارچ کے نام سے ریلی نکالی گئی، مذکورہ ریلی دنیا بھر میں ان 600 ریلیوں میں سے ایک ہے جو ڈونلڈ ٹرمپ کے عہدہ صدارت پر فائز ہونے کے پہلے دن نکالی گئی ہے۔
‘Dump Trump’: Thousands join global march by arynews
ان مظاہروں میں معروف خواتین فنکاروں نے بھی شرکت کی۔ امریکہ میں نیویارک سے لے کر سیاٹل تک متعدد شہروں میں احتجاجی مظاہرے ہوئے ہیں،اس کے علاوہ ٹرمپ مخالف مظاہرے آسٹریلیا، نیوزی لینڈ اور بنکاک سمیت ایشیائی اور یورپی شہروں میں بھی منعقد کیے گئے۔
Donald Trump protests: Washington leads global rallies https://t.co/fN3yVT3lZF
— BBC News (World) (@BBCWorld) January 21, 2017
یاد رہے کہ گزشتہ روزامریکہ کے 45 ویں صدر کی حیثیت سے حلف اٹھانے سے پہلے ڈونلڈ ٹرمپ کیخلاف وائٹ ہاؤس کے باہر شدید احتجاج کیا گیا جس سے کشیدگی میں مزید اضافہ ہوا۔
#WomensMarch: Washington leads global anti-Trump rallieshttps://t.co/ZTljk4Pbom pic.twitter.com/BDOfVOrt8J
— BBC News (World) (@BBCWorld) January 21, 2017
پولیس نے مظاہرین پر لاٹھی چارج اور آنسو گیس کی شیلنگ کی۔ مظاہرین نے کھڑی گاڑیوں اور وہاں موجود دکانوں کے شیشے بھی توڑے اور سخت الفاظ میں نعرے بازی کی۔ جس کے بعد سیکڑوں افراد کی گرفتاری بھی عمل میں لائی گئی۔