کراچی : پاکستان میں ڈالر کی بڑھتی ہوئی قیمت میں کچھ ٹھہراؤ آیا ہے جس کے نتیجے میں روپے کی قدر معمولی مستحکم ہوئی ہے۔
اسٹیٹ بینک آف پاکستان کی جانب سے سماجی رابطے کی ویب سائٹ ٹویٹر پر جاری کردہ اعداد و شمار کے مطابق انٹر بینک میں آج پاکستانی روپے کے مقابلے میں امریکی ڈالر 18 پیسے سستا ہوا جبکہ کاروباری ہفتے کے دوران ڈالر 26 پیسے مہنگا ہوا۔
آج انٹر بینک مارکیٹ میں روپے کے مقابلے میں امریکی ڈالر کی قیمت 287 روپے 37پیسے سے کم ہو کر 287 روپے 19 پیسے ہو گئی ہے۔
Interbank closing #ExchangeRate for today https://t.co/h0ApvJG38j#SBPExchangeRate pic.twitter.com/KRJD5YMJQF
— SBP (@StateBank_Pak) June 16, 2023
اسٹیٹ بینک کے مطابق امریکی ڈالر کے مقابلے میں روپے کی قدر میں 0.06 فیصد کی بحالی دیکھی گئی۔
دوسری جانب اوپن مارکیٹ میں امریکی ڈالر کی قیمت روپے کے مقابلے 2 روپے بڑھ کر 297 روپے پر پہنچ گئی۔
