ملک بھر میں ڈالر کی مسلسل گراوٹ کے باعث روپے کی قدر میں تیزی سے اضافہ ہونے لگا ہے، کاروباری ہفتے کے پانچویں روز معمولی کمی سامنے آئی۔
تفصیلات کے مطابق انٹربینک میں روپے کی قدر آہستہ آہستہ بہتری کی جانب گامزن ہے، امریکی ڈالر کی قیمت میں کمی ہوئی ہے جبکہ اوپن مارکیٹ میں مزید اضافہ ہوا ہے۔
اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق انٹربینک میں روپے کے مقابلے میں امریکی ڈالر کی قدر میں 59 پیسے کی گراوٹ دیکھی گئی۔
Interbank closing #ExchangeRate for todayhttps://t.co/vbNbrLpAuB pic.twitter.com/qmNyJmkUUS
— SBP (@StateBank_Pak) May 26, 2023
رواں کاروباری ہفتے کے پانچویں اور آخری روز کے دوران انٹربینک میں امریکی ڈالر 285 روپے 15پیسے پر بند ہوا۔ یاد رہے کہ گزشتہ روز کاروباری دن کے اختتام پر انٹربینک میں ڈالر 285 روپے 74 پیسے پر بند ہوا تھا۔
دوسری جانب اوپن مارکیٹ میں ڈالر کی اونچی اُڑان جاری ہے، مزید ایک روپے اضافے کے ساتھ اوپن مارکیٹ میں ڈالر ملکی تاریخ کی بلند ترین سطح پر پہنچ کر 313 روپے میں فروخت ہورہا ہے۔
