کلیولینڈ: ڈونلڈٹرمپ نے ری پبلکن پارٹی کی جانب سے صدارتی امیدوار کی نامزدگی قبول کرلی، ڈونلڈ ٹرمپ نے کہا ہے کہ دہشتگردی پرسمجھوتہ کرنے والے ممالک سے امیگریشن پر پابندی لگائیں گے، داعش کو تیزی سے ختم کرنا ہوگا۔
امریکی شہرکلیولینڈ میں ری پبلکن پارٹی کے کنونشن میں صدارتی نامزدگی رسمی طور پر قبول کرنے کے بعد تقریرمیں ڈونلڈ ٹرمپ نے کہا کہ تشدد میں ملوث یا اس کی حمایت کرنے والوں کو امریکا نہیں آنے دیں گے، دہشتگردی پر سمجھوتہ کرنے والے ملکوں کی امیگریشن پربھی پابندی لگانا ہوگی۔
ڈونلڈ ٹرمپ نے کہا کہ داعش کے دہشتگرد پوری دنیا میں پھیل چکے ہیں، داعش کے خاتمے کے لئے تیزی سے کام کرنا ہوگا۔
FORMAL ACCEPTANCE OF THE NOMINATION! #TrumpPence16 pic.twitter.com/E6ZtVjSQZa
— Donald J. Trump (@realDonaldTrump) July 22, 2016
اپنی مخالف ڈیموکریٹک پارٹی کی ہیلری کلنٹن کو ایک بار پھر تنقید کا نشانہ بناتے ہوئے ٹرمپ کا کہنا تھا کہ کلنٹن کی پالیسیوں کی وجہ سے امریکا غیر مستحکم ہوا۔
ڈونلڈ ٹرمپ کنونشن میں اپنی پالیسیوں کے بارے میں بتارہے تھے اور کنونشن سینٹر کے باہر ان کی پالیسیوں کے خلاف سیکڑوں افراد مظاہرہ کررہے تھے، مظاہرین نے ٹرمپ کے خلاف نعرے بازی بھی کی۔
مزید پڑھیں : ڈونلڈ ٹرمپ رپبلکن پارٹی کے باضابطہ صدارتی امیدوار نامزد
یاد رہے کہ ڈونلڈ ٹرمپ کو رپبلکن پارٹی نے نومبر میں ہونے والے صدارتی انتخابات کے لیے باضابطہ طور پر اپنا امیدوار نامزد کر دیا ہے۔
