واشنگٹن : امریکی صدارت کے لیے دوسرے مباحثے سے پہلے ہی ڈونلڈ ٹرمپ مشکل میں پھنس گئے۔ خواتین سے متعلق نازیبا گفتگو کی ویڈیو سامنے آنے پر اپنی ہی پارٹی کے رہنما ان کا ساتھ چھوڑ گئے۔ کونڈو لیزا رائس سمیت درجن بھر ریپبلکن رہنماؤں نے ٹرمپ کی حمایت سےانکار کرتے ہوئے ٹرمپ سے دستبردار ہونے کا مطالبہ کر ڈالا۔
تفصیلات کے مطابق نازیبا گفتگو کی ویڈیو نےامریکی صدارتی امیدوارڈونلڈ ٹرمپ کو مشکل میں ڈال دیا۔ رپبلکن پارٹی کے ایک درجن سے زائد سینیئر رہنماؤں نے کہا ہے کہ وہ ٹرمپ کو ووٹ نہیں دیں گے۔
دوسری جانب ڈونلڈ ٹرمپ نے دستبرداری کے تمام مطالبات مسترد کردیئے ہیں، ری پبلکن امیدوارکا کہنا ہے کہ منظرعام پر آنے والی آڈیو بہت پرانی ہے اور وہ اس پر معذرت بھی کرچکے ہیں۔
اس کے علاوہ کونڈو لیزا رائس نے بھی ٹرمپ سے صدارتی دوڑ سے علیحدگی کا مطالبہ کیا جو ڈونلڈ ٹرمپ نے مسترد کردیا، ڈونلڈ ٹرمپ نے کچھ ایسےالفاظ استعمال کیے تھے کہ ان کی اہلیہ نے بھی اس کو قابل افسوس قرار دیا ۔
یہ بھی پڑھیں : خواتین کیخلاف نازیبا ریمارکس، ڈونلڈ ٹرمپ نے معافی مانگ لی
اس ویڈیو کے بعد اس بات کا امکان ہے کہ آج ہونے والا دوسرا صدارتی مباحثہ بھی ہیلری کے حق میں ہی جائے گا۔
