شکاگو: امریکا کی ایک سو چار سالہ خاتون نے ساڑھے 13 ہزار فٹ کی بلندی سے چھلانگ لگا کر لوگوں کو حیران کر دیا۔
تفصیلات کے مطابق شکاگو کی ایک 104 سالہ خاتون ڈوروتھی ہوفنر نے ساڑھے 13 ہزار فٹ کی بلندی سے اسکائی ڈائیو کا شان دار مظاہرہ کر کے سب کو حیران کر دیا۔
زندہ دل معمر خاتون کا اسکائی ڈائیونگ کو دل للچایا تو اپنا واکر زمین پر چھوڑا اور تیرہ ہزار پانچ سو فٹ کی بلندی پر پہنچ گئیں، کوئی گھبراہٹ نہ چہرے پر خوف کے آثار، گائیڈ کے ساتھ خوب مزے سے ہوا کے دوش پر تیرتی رہیں۔
بزرگ خاتون نے کہا یہ بہت ہی حیرت انگیز اور پُر سکون تجربہ تھا، انھوں نے امید ظاہر کی کہ وہ عالمی ریکارڈ اپنے نام کر سکیں گی، مئی 2022 میں سوئیڈن کی 103 سالہ خاتون نے سب سے عمر رسیدہ اسکائی ڈائیور کا عالمی ریکارڈ اپنے نام کیا تھا۔
اتوار کے دن یہ کارنامہ انجام دینے کے بعد جیسے وہ زمین پر اتریں، لوگوں نے تالیوں سے استقبال کیا، ڈوروتھی ہوفنر نے کہا ’’عمر بس ایک عدد ہے۔‘‘ ڈوروتھی نے پہلی بار اسکائی ڈائیو 100 سال کی عمر میں کیا تھا۔ انھوں نے بتایا تھا کہ پہلی بار ڈائیو کے لیے انھیں جہاز سے دھکیلنا پڑ گیا تھا۔
Watch: 104-year-old woman jumps out of plane in bid to set record as world's oldest #skydiver.
“Age is just a number,” Dorothy Hoffner told a cheering crowd moments after touching the ground Sunday at Skydive #Chicago in #Ottawa. #worldrecord #skydiving
Video: @skydivechicago… pic.twitter.com/aHxsV2LITo
— Khaleej Times (@khaleejtimes) October 3, 2023
A 104-year-old Chicago woman is hoping to be certified as the oldest person to ever skydive after making a tandem jump from 13,500 feet in northern Illinois. pic.twitter.com/mbvswqQ2WO
— The Associated Press (@AP) October 3, 2023
