کراچی میں ڈی آر او ساؤتھ آفس جانے والے راستوں کو بند کر کے اطراف میں پولیس کی بھاری نفری تعینات کر دی گئی۔
ڈی آر او ساؤتھ آفس جانے والے روڈ پر کنٹینرز لگا دیے گئے۔ پولیس کے مطابق کسی کو ڈی آر او ساؤتھ آفس جانے کی اجازت نہیں۔
علاوہ ازیں، کراچی کے مختلف حصوں میں موبائل فون سروس معطل ہونے کی وجہ سے انتخابی نتائج میں تاخیر ہو رہی ہے۔
- Advertisement -
دوسری جانب، اورنگی ٹاؤن کے نشان حیدر چوک اقرا اسکول پولنگ اسٹیشن پر کشیدگی ہوئی۔ دو سیاسی جماعتوں کے کارکنوں میں جھگڑا ہوگیا۔ ایم کیوایم پاکستان کے رہنما امین الحق اور پولیس کی بھاری نفری موقع پر پہنچ گئی۔
پولیس کا کہنا ہے ایم کیو ایم پاکستان اور تحریک لبیک پاکستان کے کارکنوں میں جھگڑا ہوا، پولیس کی نفری صورتحال کو کنٹرول کرنے کی کوشش کر ر ہی ہے۔ پولنگ اسٹیشن کے دروازے بند کر دیے گئے۔