متحدہ عرب امارات میں رمضان المبارک کے دوران ہوٹلوں کی بکنگ میں اضافہ دیکھنے کو مل رہا ہے، رمضان میں ہوٹلوں کے کمروں کی ریزرویشن بڑھ گئی ہے۔
غیر ملکی ذرائع ابلاغ کے مطابق دبئی میں ہوٹلز گروپس کا کہنا ہے رمضان میں تقریبا ہوٹلوں کے کمرے بک ہوچکے ہیں۔ امید ہے آئندہ دنوں میں بکنگ میں مزید اضافہ ہوجائے گا۔
ہوٹلوں کے ایک معروف گروپ کے ریجنل ڈائریکٹر فتحی خوجلی کا اپنے بیان میں کہنا تھا کہ اس سے قبل رمضان میں بکنگ کی شرح اتنی نہیں تھی۔ 40 سال میں پہلی بار محسوس کیا کہ رمضان میں دبئی میں ہوٹلز کی مانگ عام مہینوں کی طرح ہے۔
بین الاقوامی سیاحت میں اضافہ کا اثر بھی دبئی پر پڑا ہے۔ یہاں رمضان کا مہینہ ہے مگر سیاحوں کی آمد کا سلسلہ بھی جاری ہے، اس وقت رمضان میں سیاح عام دنوں کی طرح پہنچ رہے ہیں۔
سب سے اہم بات یہ ہے کہ اس وقت ساحل سمندر کے قریب ہوٹل اور ریزروٹس کی مانگ سب سے زیادہ ہے، دبئی میں ہوٹلوں کے 75 سے 80 فیصد تک کمرے بک ہوچکے ہیں۔
مسجد نبویؐ میں رمضان کے پہلے ہفتے لاکھوں زائرین کی حاضری
حسنی عبدالھادی کا کہنا تھا کہ کورونا کے بعد دبئی میں سیاحت کے بڑھنے سے دبئی کی ہوٹل مارکیٹ مزید مضبوط ہوئی ہے، 2023 میں 17 ملین سے زیادہ سیاح یہاں پہنچے۔
