پیر, مئی 20, 2024
اشتہار

الیکشن ایکٹ میں ترامیم کا مقصد شفاف انتخابات ہیں، اعظم نذیر تارڑ

اشتہار

حیرت انگیز

اسلام آباد : وفاقی وزیر قانون اعظم نذیرتارڑ نے کہا ہے کہ الیکشن ایکٹ میں ترامیم کررہے ہیں، جس کا مقصد شفاف انتخابات ہے۔

سینیٹ کمیٹی کے اجلاس سے خطاب کرتے ہوئے انہوں نے کہا کہ الیکشن ایکٹ میں بہت ساری ترامیم کررہے ہیں الیکشن ایکٹ میں ترامیم کا ایک ہی مقصد ہے اور وہ ہے کہ ملک میں صاف و شفاف انتخابات کا انعقاد ہو۔

وزیرقانون نے بتایا کہ الیکشن کمیشن، وزارت پارلیمانی امور و قانون کے نمائندوں نے سینیٹ کمیٹی کو بریفنگ دی ہے۔

- Advertisement -

انہوں نے کہا کہ انتخابی اصلاحات قومی خدمت ہے، پی ٹی آئی کے علی ظفر بھی اس کمیٹی کے ممبر ہیں،علی ظفر کو کمیٹی کے اجلاس میں ضرور آنا چاہیے۔

اعظم نذیرتارڑ کا کہنا تھا کہ جو سیاسی و مذہبی جماعتیں پارلیمان سے باہر ہیں ان کو سینیٹ کمیٹی سن چکی ہے اس کے علاوہ ایوان سے باہر جماعتوں، فافن اور پلڈاٹ کو بھی سن چکے ہیں۔

وزیر قانون کا مزید کہنا تھا کہ اس حوالے سے جائزہ کمیٹی ملنے والی تجاویز کا بغور مطالعہ کررہی ہے کوئی نیا کام نہیں کیا جارہا، کمیٹی کی حتمی سفارشات سب کے سامنے لائیں گے۔

Comments

اہم ترین

مزید خبریں