The news is by your side.

عید میلاد النبی ﷺ کی آمد پر امیتابھ بچن کی مبارک باد

ربیع الاول کی 12 تاریخ کو سرور کونین کی ولادت کا دن مذہبی جوش و جذبے سے منایا جاتا ہے

ممبئی: بالی ووڈ کے لیجنڈری اداکار امیتابھ بچن نے ولادتِ النبی ﷺ کے موقع پر مسلمانوں کو عید میلاد النبی ﷺ کی مبارک باد پیش کی ہے۔

تفصیلات کے مطابق پاکستان اور دیگر ایشیائی ممالک میں 12 ربیع الاول کا آغاز ہوگیا، دنیا بھر میں عید میلاد النبی ﷺ کی آمد کے بابرکت موقع پر پرنور محافل کا انعقاد کیا جائے گا۔

دنیا بھر میں بسنے والے مسلمان 12 ربیع الاول کو نبی آخر زماں محمد رسول اللہ ﷺ کے بابرکت دن کو ولادت النبی کے طور پر مناتے ہیں، اس ضمن میں جلوس اور نعتیں محافل سمیت مختلف مذہبی تقریبات کا اہتمام کیا جاتا ہے۔

سماجی رابطے کی ویب سائٹ ٹوئٹر پر گزشتہ برس کی طرح امسال بھی لیجنڈری اداکار امیتابھ بچن نے ولادت النبی کی آمد پر مسلمانوں کو مبارک باد پیش کرتے ہوئے قرآنی آیت شیئر کی۔

اپنے ٹویٹ میں بگ بی کا کہنا تھا کہ ’کل میلاد النبی ہے، اس بابرکت دن کی آمد پر تمام مسلمانوں کو میری جانب سے بہت مبارک باد قبول ہو، ہمیشہ امن، خوشحالی اور خوشی رہے‘۔

FB 1819 – greetings and wishes for this auspicious day .. peace and love ..Eid Milad un Nabi मुबारक मुबारक मुबारक !!

Posted by Amitabh Bachchan on Friday, December 1, 2017

یاد رہے کہ گزشتہ برس لیجنڈ اداکار امیتابھ بچن نے مسلمانوں کو عید میلاد النبی ﷺ کی مبارک باد پیش کرتے ہوئے مسجد نبوی ، گنبد خضرا کے ساتھ نعتیہ اشعار کی تصاویر شیئر کیں تھیں۔

مزید پڑھیں: عید میلاد النبی : رشی کپور جامع مسجد دہلی پہنچ گئے

علاوہ ازیں معروف بالی ووڈ اداکار رشی کپور نے عید میلاد النبی ﷺ کے موقع پر سماجی رابطے کی ویب سائٹ پر مسلمانوں کو اس بابرکت دن کی مبارک باد پیش کرتے ہوئے اپنی ایک تصویر شیئر کی تھی۔

بالی ووڈ ادکار نے دہلی مسجد میں بنائی جانے والی تصویر کے ساتھ عید میلاد النبی کی مبارک باد پیش کرتے ہوئے لکھا تھا کہ ’جامع مسجد نئی دہلی میں جمعے کی نماز ادا کی جارہی ہے‘۔

عید میلاد النبی ﷺ کی مناسبت سے خصوصی تیاریاں

یاد رہے کہ جشن عید میلاد النبی ﷺ کے سلسلے میں کراچی سمیت ملک کے طول عرض میں عمارتوں کو برقی قمقموں سے سجا دیا گیا جبکہ ہر سو درودو سلام کی صدائیں بلند ہو رہی ہیں۔

سرورکائنات حضرت محمد مصطفیٰ ﷺ کی ولادت کی مناسبت سے ملک کے مختلف شہروں میں عاشقانِ رسول ﷺ نے گھروں اور گلیوں ، شاہراؤں کو برقی قمقموں سے سجا دیا۔

جشن عید میلادالنبی کے سلسلے میں شہر بھر کی مساجد، عمارتوں اور شاہراؤں کو سبز پرچموں اور برقی قمقموں سے سجایا جاچکا ہے جبکہ عاشقان رسول ﷺ خانہ کعبہ اور مسجد نبوی کے حوبصورت ماڈلز بنا کر سرور کائنات سے اظہار عقیدت کر رہے ہیں۔

رسول کریم ﷺ محبت کا تقاضا ہے کہ مسلمان متحد ہو کر معاشرے میں امن و آشتی قائم کریں کیونکہ  آپ ﷺ نے امن و محبت، بھائی چارگی اور احترام انسانیت کا ہی درس دیا جو رہتی دنیا تک قائم رہے گا۔

اے آر وائی کی جانب سے پرنور محفل اور خصوصی ٹرانسمیشن کا انعقاد کیا جا رہا ہے جس میں میزبانی کے فرائض وسیم بادامی انجام دیں گے۔

Comments

یہ بھی پڑھیں