دنیا بھر سے آئے لاکھوں فرزندان اسلام مسجدالحرام اور مسجد نبویﷺ میں نماز عیدالفطر پڑھنے کی سعادت حاصل کریں گے۔
مسجدالحرام میں نماز عید سعودی وقت کے مطابق صبح 6 بجکر20 منٹ پر ادا کی جائے گی۔ مسجدالحرام میں نمازعید کی امامت امام کعبہ الشیخ صالح بن عبداللہ بن حمید کریں گے۔
مسجد نبویﷺمیں نماز عید کی امامت الشیخ ڈاکٹراحمد بن علی الحذیفی کریں گے۔ مسجد نبویﷺمیں عیدالفطر کی نماز 6 بج کر 19 منٹ پرادا کی جائے گی۔
اس کے علاوہ دارالحکومت ریاض میں نمازعید 5 بج کر 50 منٹ پر ادا کی جائے گی۔ جدہ میں 6:23، دمام میں 5:35، جازان میں 6:12 اور تبوک میں 6:28 پر نماز عید کے اجتماعات ہوں گے۔
سعودی عرب میں 12 ہزار سے زائد مساجد اور دیگر مقامات پر نماز عید ادا کی جائے گی۔ نماز عید کے بڑے اجتماعات مسجدالحرام اور مسجدنبویؐ میں منعقد ہوں گے۔
نمازعید کے ان اجتماعات میں لاکھوں فرزندان اسلام شرکت کریں گے۔ سعودی وزارت مذہبی امور نے طلوع آفتاب سے 15 منٹ بعد نماز عید ادا کرنے کا اعلان کیا ہے۔
