اسلام آباد : فی یونٹ 14 روپے ریلیف کے بعد بجلی صارفین کے لیے ایک اور اچھی خبر آگئی ، جس سے بلوں میں کمی کا امکان ہے۔
تفصیلات کے مطابق بجلی 31 پیسے فی یونٹ سستی ہونے کا امکان ہے، سینٹرل پاور پرچیزنگ ایجنسی (سی پی پی اے) نے جولائی کی ماہانہ فیول ایڈجسٹمنٹ کی درخواست دائرکردی ہے۔
نیپرا اتھارٹی 28 اگست کو درخواست پر سماعت کرے گی ، سی پی پی اے کی جانب سے درخواست میں کہا گیا ہے کہ جولائی میں14ارب41کروڑیونٹس ، پانی سے35.89فیصد بجلی پیدا کی گئی۔
درخواست میں کہنا تھا کہ مقامی کوئلے سے10.12فیصد بجلی ، درآمدی کوئلے سے 7.64 فیصد، مہنگےفرنس آئل سے0.69فیصد پاور پیداہوئی۔
مزید پڑھیں : نواز شریف کا بجلی کی قیمت 14 روپے فی یونٹ کم کرنے کا اعلان
جولائی میں گیس سے7.93فیصد، درآمدی ایل این جی سے19.96فیصد ، جوہری ایندھن سے13.36فیصد پاور پیدا کی گئی۔
یاد رہے گذشتہ روز پنجاب میں اگست اور ستمبر کے بجلی کے بلوں میں ریلیف دینے کا اعلان کیا تھا ، جس کے تحت پانچ سو یونٹ تک استعمال کرنے والوں کو فی یونٹ چودہ روپے کا ریلیف ملے گا۔
مسلم لیگ ن کے صدر نواز شریف نے وزیراعلیٰ پنجاب کے ہمراہ میڈیا بریفنگ میں کہا تھا کہ مریم نوازعوام کیلئےسولرپروگرام بھی لارہی ہیں ، وزیراعظم شہبازشریف پنجاب حکومت سےتعاون کریں اور دیگرصوبے بھی عوام کو ریلیف دیں۔
