دبئی: ایکسپو دوہزار دبئی پوری آب وتاب کے ساتھ جلوہ گر ہے، جہاں ایمانداری کے صلے میں اماراتی نوجوان کو بڑے اعزاز سے نوازا گیا ہے۔
میڈیا رپورٹ کے مطابق اماراتی شہری خالد محمد بن جاسم الحوسنی کو ایکسپو وزٹ کے دوران ایک بٹوہ ملا تھا، جس میں 15 ہزار درہم کیش اور کچھ اہم کاغذات موجود تھے، جس پر انہوں نے ایکسپو میں قائم لاسٹ اینڈ فاؤنڈ سیکشن کے حوالے کیا۔
دبئی پولیس نے الوحسنی کی ایمانداری اور بہترین اخلاق کی تعریف کی اور انہیں ایک تقریب میں اعزاز سے نوازا گیا۔
یہ بھی پڑھیں: دبئی: مسلمان ٹیکسی ڈرائیور نے ایمانداری کی اعلیٰ مثال قائم کردی
فوجداری تحقیقاتی امور کے اسسٹنٹ کمانڈر انچیف میجر جنرل خلیل ابراہیم المنصوری نے الحوسنی کی ایمانداری کی تعریف کی، اعزاز سے نوازنے پر الحوسنی نے پولیس سے اظہار تشکر کیا اور پیغام دیاکہ ہمیشہ ذمے دار اور ایماندار رہے۔
دوسری جانب پولیس حکام نے بتایا کہ بٹوہ اصلی مالک تک پہنچادیا گیا ہے۔
یاد رہے کہ دبئی میں عام طور پر حکام لوگوں کی اچھائیوں اور نیک کارناموں کے لئے ان کو اعزاز سے نوازتے ہیں۔
راوں سال ستمبر میں بھی دبئی میں ایک ورکر کو نوٹوں سے بھرا بٹوا واپس کرنے پر اعزاز دیا گیا تھا ، دبئی میونسپلٹی نے مزدور ایشیائی مزدور ذاکر حسین کی تصویر شائع کی تھی ، جس میں وہ اپنی دیانت اور ایمانداری کا تحفہ وصول کررہا ہے۔
رواں سال مارچ میں بھی ایک پاکستانی ٹیکسی ڈرائیورکا بھی اس وقت دُبئی میں چرچا ہوا جب جس نے ایک مسافر کی جانب سے ٹیکسی میں ہی بھُول جانے والی 9 لاکھ درہم (پاکستانی کرنسی میں تقریباً 3 کروڑ ستر لاکھ روپے) کی رقم سے بھرا بیگ پولیس کے حوالے کیا تھا۔
