پاکستان کے خلاف پنڈی ٹیسٹ میں سنچری بنانے والے انگلش بلے باز ہیری بروک کا کہنا ہے کہ اچھا دن ہے ہمارے لیے میرا بھی خواب پورا ہوا ہے۔
کھیل کے دوسرے دن اختتام پر میڈیا سے گفتگو میں انہوں نے کہا کہ ہم نے کل اور آج بہت سارے ریکاردز توڑے ہیں ہمیں محسوس نہیں ہوا کہ پریشر تھا کوشش کی کہ بہتر کھیل پیش کر سکیں۔
ہیری بروک کا کہنا تھا کہ اچھے وقت پر اچھا فیصلہ ہی ٹیم کے لیے فائدہ مند ہوتا ہے میں اس پچ پر پہلے کبھی نہیں کھیلا مجھے نہیں لگتا کہ مجھے اس پچ پر دوبارہ موقع ملے گا کھیلنے کا نا ہی ابھی سوچا ہے۔
England batter Harry Brook's press conference after Day Two of the Rawalpindi Test.#PAKvENG | #UKSePK https://t.co/bpCR8nN5Ww
— Pakistan Cricket (@TheRealPCB) December 2, 2022
واضح رہے کہ انگلینڈ نے پاکستان کے خلاف پہلی اننگز میں ریکارڈ 657 رنز بنائے جس میں 4 بلے بازوں نے سنچریاں اسکور کیں۔
دوسری جانب فاسٹ بولر نسیم شاہ نے کہا ہے کہ انجری کسی بھی وقت آسکتی میں اپنی بالنگ پر فوکس کرتا ہوں۔
انہوں نے کہا کہ زندگی میں چیلنج کا مزہ آتا ہے کوشش کرتا ہوں کہ اپنا 100 فیصد دوں، بال اتنا ریورس شاید ہم سے نہیں ہو رہا ہم کوشش کریں گے جو ہماری کارکردگی ہے اس میں بہتری ہو۔