پاکستانی کرکٹ ٹیم کی بُری کارکردگی پر افسردگی کا اظہار کرنے والے محمد صارم اختر کی مایوسی کی تصویر انگریزی کی کتاب میں بھی شائع ہوگئی۔
برطانوی دارالحکومت لندن میں 12 جون 2019 کو کھیلے جانے والے ورلڈ کپ میچ کے دوران پاکستانی کرکٹ ٹیم کی انتہائی خراب کارکردگی پر کرکٹ مداحوں میں شدید غم و غصّہ تھا لیکن میچ کے دوران اسٹیڈیم میں موجود ایک شخص کی مایوسی نے اسے شہرت کی بلندیوں پر پہنچا دیا۔
محمد صارم اختر نامی شخص جو ان دنوں برطانیہ میں مقیم ہیں، 12 جون 2019 کو پاکستان اور آسٹریلیا کے درمیان کھیلے گئے میچ کو دیکھنے کےلیے اسٹیڈیم پہنچے اور ٹیم کی مسلسل مایوس کن کارکردگی دیکھ کر شدید افسردہ ہوگئے۔
اسی دوران باؤنڈری پر کھڑے پاکستانی کھلاڑی حارث رؤف سے کیچ ڈراپ ہوگیا جس پر صارم اختر اتنے مایوس ہوئے کہ اسٹیڈیم میں موجود کیمرے نے ان کی مایوس کن شکل بڑی اسکرین پر دکھائی۔
اب صارم اختر کی وہ تصویر ایک انگریزی زبان کی کتاب میں ایک لفظ کا مطلب سمجھانے کےلیے شائع کی گئی ہے، جسے صارم اختر نے بھی اپنے ٹوئٹر اکاؤنٹ سے شیئر کیا ہے۔
انگریزی لفظ ’glared‘ جس کا مطلب ’غصے سے دیکھنا‘ ہے کو فیزیکلی سمجھانے کےلیے ناشر کی جانب سے صارم اختر کی تصویر کو استعمال کیا گیا ہے۔
Waooo, got featured on an English vocabulary book 😆 pic.twitter.com/ihkcMGosC2
— Sarim Akhtar (@msarimakhtar) August 17, 2021
صارم اختر نے اپنی تصویر بغیر اجازت شائع کرنے پر ناراضی کا اظہار بھی کیا، انہوں نے کہا کہ پبلشر نے میری تصویر بغیر اجازت استعمال کی اور ساتھ غصے والی ایموجیز بھی استعمال کیں۔
This turned out to be an actual book after all 😆 received it on WhatsApp 😳 publisher used my image w/o permission 😕🤯😡
Note: this is not an endorsement of any kind and I am not affiliated with either the publisher or the website that might have illegally PDF’d it 😐 https://t.co/h8qWfCE3hW pic.twitter.com/wOV9dSsmPO
— Sarim Akhtar (@msarimakhtar) August 19, 2021
تصویر سوشل میڈیا پر وائرل ہونے کے بعد صارفین کی جانب سے دلچسپ تبصرے سامنے آرہے ہیں، ایک صارف نے صارم اختر نے سوال کیا کہ ’کیا یہ تصویر اصلی ہے؟
*me glaring at me while wasting time on social media 😄 https://t.co/cOmW2yAZrZ
— Shaarif (@maverick7070_) August 19, 2021
How original. https://t.co/RoK0VLhRWu
— Tahir Ibn Manzoor (@TahirIbnManzoor) August 19, 2021