site
stats
عالمی خبریں

مسئلہ کشمیرکومذاکرات کےذریعےحل کیاجائے‘ طیب اردگان

انقرہ: ترک صدررجب طیب اردگان نےمسئلہ کشمیرکو حل کرنے کےلیےپاکستان اوربھارت کومذاکرات کی میزپرآنے کےلیےزوردیا ہے۔

ریڈیو پاکستان کی رپورٹ کےمطابق ترک صدر نے مسئلہ کشمیر کے حل کے لیےان خیالات کا اظہار دورہ بھارت سے قبل انقرہ میں صحافیوں سے بات چیت کےدوران کیا۔

رجب طیب اردوگان نے کہا کہ کشمیر کے تنازعے کو طول دینا آئندہ نسلوں کے ساتھ ناانصافی ہوگی۔

اس موقع پرترکی کے صدر نے کرد عسکریت پسند گروپوں اورکشمیریوں حریت پسندوں کےدرمیان کسی بھی قسم مماثلت کو مکمل طور پر مسترد کیا۔

انہوں نے کہا کہ دونوں ممالک کے درمیان 70 سالہ دیرینہ تنازعے کے حل سے ان کی عوام کو ریلیف ملے گا اور خطے میں امن قائم ہوگا۔

ترکی کے صدر طیب اردگان دو روزہ دورے پر بھارت آرہے ہیں جہاں وہ پیر کے روز ہندوستانی وزیراعظم نریندرا مودی سے ملاقات کریں گے۔

دونوں سربراہان مملکت مقامی اور بین الاقوامی معاملات اور دوطرفہ باہمی دلچسپی کے امور پر بات چیت کریں گے۔

ترک حکومت نے 4ہزار اہلکاروں کو برطرف کردیا

یاد رہےکہ گزشتہ روز ترک حکومت نے 4ہزار سرکاری ملازمین کو دہشت گرد تنظیموں سے روابط کےشبے میں ملازمت سے فارغ کردیاتھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top