انقرہ: ترک صدر رجب طیب اردوان اور ان کی اہلیہ امینہ اردوان کورونا وائرس کی نئی قسم اومیکرون کا شکار ہوگئے۔
برطانوی اخبار "دی گارجیئن” کی رپورٹ کے مطابق ترک صدر رجب طیب اردوان نے سماجی رابطے کی ویب سائٹ ٹوئٹر پر اومیکرون کا شکار ہونے کی تصدیق کردی۔
ترک صدر اپنے ٹوئٹ میں لکھا کہ میرا اور میری اہلیہ امینہ اردوان کا کووڈ-19 ٹیسٹ مثبت آیا ہے اور ہم نے خود کو گھر میں قرنطینہ کرلیا ہے، خوش قسمتی سے ہم میں اومیکرون کی معمول علامات ظاہر ہوئی ہیں، ہم دونوں گھر سے اپنے کام کو جاری رکھیں گے۔
رجب طیب اردوان نے لکھا کہ ہمیں آپ کی دعاؤں کی ضرورت ہے۔
Bugün hafif belirtiler üzerine eşimle birlikte yaptırdığımız COVID-19 testimizin sonucu pozitif çıktı. Omicron varyantı olduğunu öğrendiğimiz hastalığı hamdolsun hafif geçiriyoruz.
Görevimizin başındayız. Çalışmalarımıza evde devam edeceğiz. Dualarınızı bekliyoruz.
— Recep Tayyip Erdoğan (@RTErdogan) February 5, 2022
دریں اثنا وزیراعظم عمران خان نے ترک صدر رجب طیب اردوان اور امینہ اردوان کے اومیکرون میں مبتلا ہونے پر صحتیابی کی دعا کی ہے۔
وزیراعظم نے ٹوئٹ کرتے ہوئے لکھا کہ ابھی معلوم ہوا کہ میرے بھائی رجب طیب اردوان اور ان کی اہلیہ کا کورونا ٹیسٹ مثبت آیا ہے، حکومت اور پاکستان کے عوام ان کی جلد اور مکمل صحتیابی کے خواہاں ہیں۔
I just learnt that my brother Recep Tayyip Erdogan, President of Turkey and Madame Emine Erdogan tested positive for Covid-19 Omicron. On behalf of our government, the people of Pakistan and on my own behalf I wish them a swift and complete recovery.
— Imran Khan (@ImranKhanPTI) February 5, 2022
خیال رہے کہ گزشتہ سال جون میں صدر رجب طیب اردوان نے اپنی ویکسی نیشن مکمل کرائی تھی۔