بلند و بالا رولر کوسٹرز میں بیٹھنا ایک نہایت دلچسپ اور سنسنی خیز لمحہ ہوتا ہے اور رولر کوسٹر جتنی زیادہ بلند ہوگی لوگ اتنا ہی لطف اندوز ہوتے ہیں۔
اسپین میں بھی مہم جوئی اور تھرل کے شوقین افراد کے لیے یورپ کی سب سے بلند اور تیز ترین رولر کوسٹر کا افتتاح کردیا گیا۔
ہسپانوی صوبے تروگونا میں واقع مشہور پارک فراری لینڈ میں نصب اس رولر کوسٹر کی اونچائی 366 فٹ ہے جبکہ یہ 112 کلو میٹر فی گھنٹہ کی رفتار سے چلے گی۔
رولر کوسٹر کے افتتاح سے قبل اس کے ایک ایک پرزے کا نہایت تفصیلی جائزہ لیا گیا ہے تاکہ اس میں سواری کرنے والوں کی حفاظت کو یقینی بنایا جاسکے۔
اس میں بیٹھنے والوں کو ایسا لگے گا جیسے وہ فراری گاڑی کی ریس میں موجود ہیں اور اس سے لطف اندوز ہورہے ہیں۔
اس رولر کوسٹر نے برطانیہ کی بلیک پول رولر کوسٹر کا ریکارڈ توڑد یا ہے جس کی اونچائی صرف 100 فٹ تھی۔
یاد رہے کہ دنیا کی سب سے زیادہ تیز رفتار رولر کوسٹر ابو ظہبی کے فراری ورلڈ پارک میں ہے جس کی رفتار 149 کلو میٹر فی گھنٹہ ہے۔
مزید پڑھیں: رولر کوسٹر کے ذریعہ سفر کرتا کھانا کھائیں
