The news is by your side.

Advertisement

کراچی: بھتہ خور گروہ کا انتہائی مطلوب کارندہ گرفتار

کراچی: صوبہ سندھ کے دارالحکومت کراچی میں بھتہ خور گروہ کا انتہائی مطلوب کارندہ ناصر گرفتار کرلیا گیا، ملزم نے تاجر کو بھتہ نہ دینے پر جان سے مارنے اور بیٹے کو اغوا کرنے کی دھمکی دی تھی۔

تفصیلات کے مطابق کراچی کے علاقے سرجانی ٹاؤن میں رینجرز اور پولیس نے مشترکہ کارروائی کی جس میں بھتہ خور گروہ کا انتہائی مطلوب کارندہ ناصر گرفتار کرلیا گیا۔

ترجمان رینجرز کا کہنا ہے کہ گرفتار ملزم نے 14 جون کو تیسر ٹاؤن کے تاجر سے بھتہ مانگا تھا، بھتہ نہ دینے پر جان سے مارنے اور بیٹے کو اغوا کرنے کی دھمکی دی گئی تھی۔

ترجمان کے مطابق تاجر نے رینجرز ہیلپ لائن پر اطلاع دی جس کے بعد ملزم کو گرفتار کیا گیا، ملزم کو قانونی کارروائی کے لیے پولیس کے حوالے کر دیا گیا۔

Comments

یہ بھی پڑھیں