کراچی: اسپیشل انویسٹی گیشن یونٹ نے انتہائی مطلوب بھتہ خور ضیا کالا کو گرفتار کر لیا۔
تفصیلات کے مطابق سندھ بلڈنگ کنٹرول اتھارٹی سے تعلق رکھنے والے ایک بھتہ خور کو پولیس کے خصوصی تفتیشی یونٹ نے گرفتار کر لیا ہے، ملزم ضیا کالا کے خلاف پریڈی تھانے میں بھتے کا مقدمہ درج ہے۔
ایس ایس پی جنید شیخ کے مطابق گرفتار ملزم کے گھر پر چھاپا مار کارروائی کی گئی تھی، ضیالا کالا کا تعلق سندھ بلڈنگ کنٹرول اتھارٹی سے ہے، جہاں وہ ایک مافیا چلاتا تھا، وہ بھتہ اکٹھا کر کے خود بھی رکھتا تھا اور دوسروں میں بھی تقسیم کرتا تھا۔
ایس ایس پی کا کہنا ہے کہ ایس بی سی اے میں بھتے کے حوالے سے بہت سی بے ضابطگیاں ہوئی ہیں، اس سلسلے میں گرفتار ملزم سے تفتیش کے دوران اہم انکشافات متوقع ہیں۔ جنید شیخ کے مطابق گزشتہ ماہ ملزم کی ضمانت عدالت نے کینسل کر دی تھی۔
Comments
- Advertisement -
