سان فرانسسکو: سماجی رابطے کی سب سے بڑی ویب سائٹ اور موبائل ایپلیکیشن فیس بک نے صارفین سے کیا گیا وعدہ پورا کرتے ہوئے زبردست فیچر متعارف کرادیا۔
فیس بک نے لاک ڈاؤن کے دوران مسیجنر کے بڑھتے ہوئے استعمال اور کالنگ کو مدنظر رکھتے ہوئے مسینجر کی ڈیسک ٹاپ (کمپوٹر) ایپ متعارف کرادی جس کو استعمال کرتے ہوئے صارفین کمپیوٹر سے ہی گروپ ویڈیو اور آڈیو کالز کرسکیں گے۔
اس سے قبل فیس بک صارفین کو کالز کے لیے کمپیوٹر سے یہ سہولت دستیاب نہیں تھی بلکہ وہ بات کرنے کے لیے موبائل استعمال کرنے کے پابند تھے۔
فیس بک کی ڈیسک ٹاک میسنجر ایپ کو ونڈوز اور ایپل کے آپریٹنگ سسٹم پر انسٹال کر کے استعمال کیا جاسکتا ہے۔
کوئی بھی صارف جب میسنجر کمپیوٹر میں ڈاؤن لوڈ کرے گا تو اُسے استعمال کے لیے خود کو لاگ ان کرنا پڑے گا، آئی ڈی پاس ورڈ ڈالنے کے بعد کمپیوٹر ایپ موبائل سے کنیکٹ ہوجائے گی۔
مزید پڑھیں: کرونا وائرس : فیس بک نے میسنجر ایپ میں بھی انفارمیشن ہب متعارف کرادی
کمپیوٹر ایپ کو استعمال کرتے ہوئے صارف اپنے دوستوں اور رشتے داروں سے بات کرسکتا ہے جس کے لیے ہیڈفون درکار ہوں گے جبکہ لیپ ٹاپ میں کسی چیز کی ضرورت نہیں ہوگی۔
اس ایپ کو استعمال کرنا زیادہ آسان ہے کیونکہ براؤزر کی طرح مختلف ٹیبز تلاش کرنے کی ضرورت نہیں پڑے گی، گروپ کالز میں بیک وقت 7 صارفین آڈیو یا ویڈیو کال پر بات کرسکتے ہیں۔
یہ بھی پڑھیں: کرونا وائرس، فیس بک کے سربراہ کی عالمی ادارۂ صحت کو بڑی پیش کش
میسنجر کی جانب سے جاری بیان میں کہا گیا کہ اس ہب میں صارفین کو ایسے ذرائع فراہم کیے جائیں گے جن سے انہیں اپنے دوستوں، گھروالوں، دفتری ساتھیوں، طالبعلموں، اساتذہ اور دیگر سے رابطے میں مدد ملے گی۔
دوسری جانب فیس بک انتظامیہ افواہوں اور جھوٹی خبروں کی حوصلہ شکنی کے لیے جلد ہی واٹس ایپ کی طرز کا ایک فیچر متعارف کرائے گی جس کے بعد ایک میسج پانچ سے زیادہ دوستوں کو نہیں بھیجا جاسکے گا اور فارورڈ میسج پر واضح نظر آئے گا کہ یہ کسی کا بھیجا گیا پیغام ہی آگے بڑھایا گیا ہے۔
Messenger comes to the big screen. Messenger desktop for MacOS and Windows is here. bit.ly/MessengerDesktop
Posted by Messenger on Thursday, 2 April 2020