جماعت اسلامی کے سینیٹر مشتاق نے کہا ہے کہ ہمیں سہولت دیں ہم خود غزہ کے بچوں کو بچانا چاہتے ہیں۔
تفصیلات کے مطابق سینیٹر مشتاق کا کہنا تھا کہ غزہ میں اسرائیل کے حملوں کی شدید مذمت کرتا ہوں۔ ہم دیکھ رہے ہیں انسانیت ختم ہورہی ہے۔ ہم خود غزہ کے بچوں کو بچانا چاہتے ہیں ہمیں سہولت دیں۔
سینیٹر مشتاق نے کہا کہ میں خود غزہ کے بارڈر پر گیا ہوں، غزہ سے ہم ان بچوں کو نکالنا چاہتے ہیں۔ میڈیا جتنا دکھا رہا ہے غزہ میں حالات اس سے بھی بدتر ہیں۔
- Advertisement -
انھوں نے کہا کہ امریکا اور یورپی یونین کے رویے کی شدید مذمت کرتا ہوں۔ مجھے بتائیں کس پارٹی لیڈر نے فلسطین کی خاطر احتجاج کی کال دی۔
سینیٹر مشتاق کا مزید کہنا تھا کہ چیئرمین سینیٹ کی قیادت میں امریکی سفارتخانے کے سامنے احتجاج ریکارڈ کرنا چاہیے۔
