کراچی: پاکستانی اداکار اور میزبان فہد مصطفیٰ دنیا کے 100 پُر کشش ترین مردوں کی فہرست کے لیے نامزد ہوگئے۔
تفصیلات کے مطابق اے آر وائی کے پروگرام جیتو پاکستان کے میزبان فہد مصطفیٰ کی پُر کشش شخصیت اور خوب صورتی کی دنیا معترف ہے، اب انھیں ایک بین الاقوامی مقابلے میں نامزد کیا گیا ہے۔
پُر اعتماد اور خوب صور ت مسکراہٹ سے ہزاروں دلوں پر راج کرنے والے با صلاحیت اداکار فہد مصطفیٰ دنیا کے 100 موسٹ ہینڈ سم مین فہرست 2018 کے لیے نامزد ہو ئے ہیں۔
سماجی رابطے کی ویب سائٹ پر سال 2018 کے دنیا کے 100 پُر کشش ترین مردوں اور خوب صورت چہروں کی فہرست جاری کی گئی ہے جس میں فہد مصطفیٰ کا نام بھی شامل ہے۔
100 موسٹ ہینڈ سم مین فہرست 2018 میں پاکستانی اداکار اور ماڈل عماد عرفانی، اداکار عمران عباس اور اداکار، ماڈل، سنگر فواد خان نے بھی اپنے پُر کشش چہروں کے باعث جگہ بنا لی ہے۔
یہ بھی پڑھیں: اداکار فواد خان اور عمران عباس دنیا کے 100 پُرکشش مردوں کے لیے نامزد
دنیا کے سو پُر کشش مردوں کی فہرست میں بالی ووڈ کے اداکار ریتھک روشن، شاہد کپور اور ورون دھون کے علاوہ ہالی ووڈ کے مشہور چہرے ٹام کروز اور دی راک کے نام سے مشہور ڈوین جانسن بھی شامل ہیں۔
