پی ٹی آئی کے روپوش رہنما سینیٹر فیصل جاوید منظر عام پر آگئے، وہ پشاور ہائیکوڑ میں پیش ہوئے انھوں نے میڈیا سے گفتگو بھی کی۔
تفصیلات کے مطابق پاکستان تحریک انصاف کے سینیٹر فیصل جاوید اپنی روپوشی ختم کرتے ہوئے منظر عام پر آگئے ہیں۔ اس دوران وہ پہلے سے کافی مختلف نظر آئے جبکہ ان کے چہرے پر داڑھی کا اضافہ ہوچکا تھا۔
انھوں نے اسلام آباد میں درج مقدمے میں راہداری ضمانت کے لیے درخواست کی تھی۔ میڈیا سے گفتگو میں ان کا کہنا تھا کہ سب پر مشکل وقت گزرا۔ دعا ہے سب اپنے گھروں میں واپس آجائیں۔
فیصل جاوید نے وہاں موجود ذرائع ابلاغ کے سوال کا جواب دیتے ہوئے کہا کہ اہلم پاکستان پر رحم کرے اور پاکستان میں جتنے مظلو لوگ ہیں ان سب کے لیے دعاگو ہیں کہ جلد وہ اپنوں کے ساتھ ہوں۔
پاکستان تحریک انصاف کے سینیٹر کا مزید کہنا تھا کہ سب سے زیادہ انتظار خان کا ہے وہ جلد اپنی قوم کے بیچ میں ہونگے۔