The news is by your side.

Advertisement

چھاتی کے کینسر سے آگاہی کے لیے فیصل مسجد گلابی رنگوں سے روشن

اسلام آباد: دنیا بھر میں تیزی سے بڑھتے ہوئے چھاتی کے کینسر کے خلاف آگاہی کے لیے وفاقی دارالحکومت اسلام آباد کی فیصل مسجد کو گلابی روشنیوں سے نہلا دیا گیا۔

یاد رہے کہ ماہ اکتوبر کو بریسٹ کینسر سے آگاہی کے طور پر پنک ٹوبر کے نام سے منایا جاتا ہے جس میں پورے ماہ کے دوران آگاہی و علاج کے حوالے سے مہمات منعقد کی جاتی ہیں۔

ایک محتاط اندازے کے مطابق پاکستان میں ہر 9 میں سے 1 خاتون بریسٹ کینسر میں مبتلا ہے۔ ہر سال ملک میں 83 ہزار خواتین میں بریسٹ کینسر کی تشخیص ہوتی ہے جبکہ 40 ہزار کے قریب خواتین اس مرض کے ہاتھوں زندگی کی بازی ہار جاتی ہیں۔

یاد رہے کہ اگر بریسٹ کینسر کی ابتدائی مرحلے میں تشخیص ہوجائے تو اس کینسر کو جسم سے مکمل طور پر ختم کیا جاسکتا ہے جس کے باعث مرض کا شکار خاتون کی جان بچ سکتی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں