اسلام آباد: فیض آباد دھرنے سے متعلق تحقیقات کے لیے کمیشن نے تحقیقاتی مدت ایک ماہ بڑھانے کی درخواست کردی۔
اے آر وائی نیوز کے مطابق فیض آباد دھرنا کمیشن نے تحقیقاتی مدت ایک ماہ بڑھانے کی درخواست سپریم کورٹ کو بھجوائی ہے۔
تحقیقاتی کمیشن نے سابق سیکریٹری دفاع لیفٹیننٹ جنرل (ر) سید ضمیر الحسن کو طلب کیا ہے، ڈی جی رینجرز میجر جنرل (ر) اظہر ندیم کو بھی طلبی کا نوٹس بھیجا گیا ہے۔
- Advertisement -
کمیشن نے سابق سیکریٹری داخلہ میجر (ر) اعظم سلیمان کو بھی طلب کیا ہے جبکہ تمام افراد کو 9 اور 10 جنوری کو طلبی کے نوٹس جاری کیے گئے ہیں۔
تحقیقاتی کمیشن کے مطابق سابق وفاقی سیکریٹری داخلہ ارشد ندیم نے اپنا بیان قلمبند کروادیا ہے۔
کمیشن کی جانب سے سابق وزیر اعلیٰ پنجاب شہباز شریف اور سابق وزیر دفاع خواجہ آصف کو بھی دوبارہ طلبی کے نوٹس جاری کیے گئے ہیں۔
