دوحہ: قطر میں عالمی شہرت یافتہ اسٹار فٹ بالر اور برازیل ٹیم کے کپتان نیمار کے ہم شکل کو دیکھ کر مداح دھوکہ کھا گئے۔
سوشل میڈیا پر گردش کرنے والی ایک ویڈیو میں دیکھا جا سکتا ہے کہ قطر کی سڑکوں پر مداحوں نے نیمار کو گھیر لیا اور اسٹار فٹ بالر کے ساتھ سیلفیاں بنوائیں۔
دراصل وہ نیمار نہیں بلکہ ان سے مشابہت رکھنے والا شخص ہے جو فیفا ورلڈ کپ 2022 کے لیے قطر میں موجود ہے۔
یہ بھی پڑھیں: انجری کے شکار نیمار کے مداحوں کیلیے ایک اور بُری خبر
https://twitter.com/FOXSoccer/status/1596858466760466438?ref_src=twsrc%5Etfw%7Ctwcamp%5Etweetembed%7Ctwterm%5E1596858466760466438%7Ctwgr%5E306e9c9777d2268d3fcaf4613f288724393752d3%7Ctwcon%5Es1_c10&ref_url=https%3A%2F%2Fwww.urdunews.com%2Fnode%2F721856
نیمار کے ہم شکل کی شناخت ایگن اولیور کے نام سے ہوئی ہے جو فرانس سے تعلق رکھتے ہیں۔ ان کی شکل کافی حد تک نیمار سے ملتی جلتی ہے اور یہی وجہ ہے کہ مداح دھوکہ کھا گئے۔
گزشتہ روز برازیل اور سویئزرلینڈ کے میچ میں بھی وہ شائقین کے درمیان موجود رہے جہاں لوگوں نے ایگن اولیور کے ساتھ سیلفیاں بنوائیں۔
https://twitter.com/ESPNFC/status/1597274628606595072?s=20&t=53O39Ywvq2mneUKC9LiAIg
سویئزرلینڈ کے خلاف میچ میں مداحوں نے نیمار کو کافی یاد کیا۔ وہ انجری کے باعث ٹیم کا حصہ نہیں رہے تاہم آئندہ میچوں میں ان کی دستیابی کا قوی امکان ہے۔
