The news is by your side.

Advertisement

فریال تالپور کو ان کی رہایش گاہ پہنچا دیا گیا، کل سندھ اسمبلی اجلاس میں شرکت کریں گی

کراچی: فریال تالپور کو ڈیفنس میں ان کی رہایش گاہ پہنچا دیا گیا، فریال تالپور کی رہایش گاہ کو سب جیل قرار دیا گیا ہے۔

تفصیلات کے مطابق جعلی اکاؤنٹس کیس میں گرفتار رکن سندھ اسمبلی فریال تالپور کو اسلام آباد سے کراچی منتقل کر دیا گیا ہے جہاں وہ منگل کو سندھ اسمبلی کے اجلاس میں شرکت کریں گی۔

ذرایع کا کہنا ہے کہ فریال تالپور کی نگرانی کے لیے سب جیل میں نیب ٹیم، خواتین اہل کار اور ڈاکٹر بھی موجود رہیں گے، فریال تالپور کا طبی معائنہ بھی کیا جائے گا۔

سندھ اسمبلی کے اجلاس تک فریال کراچی میں رہیں گی، نیب ذرایع کا کہنا ہے کہ فریال تالپور کو بجٹ کی منظوری تک سندھ اسمبلی لایا جائے گا۔

یہ بھی پڑھیں:  جعلی اکاؤنٹس کیس: فریال تالپور کے جسمانی ریمانڈ میں 8 جولائی تک توسیع

دریں اثنا، پیپلز پارٹی رہنما عذرا پیچوہو اور دیگر فریال تالپورکی رہایش گاہ پہنچ گئے، پی پی رہنماؤں نے فریال تالپور سے ملنے کا مطالبہ کیا تاہم پولیس نے ان کو اندر جانے سے روک دیا۔

خیال رہے کہ اسپیکر سندھ اسمبلی نے فریال تالپور کے پروڈکشن آرڈر جاری کیے تھے۔

ادھر آج پیر کو فریال تالپور کو جعلی اکاؤنٹس کیس میں احتساب عدالت میں پیش کیا گیا، جہاں عدالت نے ان کا 14 روزہ جسمانی ریمانڈ منظور کرتے ہوئے ریمانڈ میں 8 جولائی تک توسیع کر دی۔

Comments

comments

یہ بھی پڑھیں