کراچی : کمسن بیٹیوں کو زہر دے کر مارنے کی کوشش کرنے والے ظالم باپ کو گرفتار کرلیا گیا، باپ چوہے مار دوا بچیوں کو زبردستی پلارہا تھا کہ پولیس نے موقع پر پہنچ کر بچالیا۔
تفصیلات کے مطابق کراچی کے علاقے سرجانی ٹاون میں نشئی باپ نے تین کمسن بیٹیوں کو زہر دے کر مارنے کی کوشش ، تو بچیوں نے چلانا شروع کردیا، چیخ وپکار پر مالک مکان نے پولیس کو اطلاع دی، پولیس نے فوری کارروائی کرتے ہوئے گھرکا دروازہ توڑ کر تینوں بچیوں کو بچالیا۔
سرجانی ٹاؤن میں ظالم باپ نےپیالےمیں زہرڈال کربیٹیوں کو پلانے کی کوشش کی،بچیوں نےچلاناشروع کیاتومالک مکان نے پولیس کو اطلاع دی،جس نےفوری کارروائی کرکےگھرکا دروازہ توڑ کرتینوں بچیوں کوبچالیا۔
پولیس نے موقع سے تینوں بچیوں کو تحویل میں لینے کے بعد ظالم باپ کو گرفتار کرلیا اور تھانے منتقل کردیا۔
پولیس کا کہنا ہے کہ باپ اپنی 3 کمسن بچیوں کو چوہے مار دوا پیالہ میں ڈال کر زبردستی پلانے کی کوشش کر رہا تھا، گرفتار شخص نشے کا عادی ہے۔
حکام کے مطابق ملزم کی بیوی کا ایک رات قبل شوہر سے جھگڑا ہوا تھا، جس کے بعد وہ گھر چھوڑ کر چلے گئی تھی، ملزم نے اگلے روز صبح سویرے اپنے بچیوں کو چوہے مار دوا کھلانے کی کوشش کی، پولیس کے مطابق واقعے کا مقدمہ ملزم کی اہلیہ کی مدعیت میں درج کرلیا گیا ہے۔